सर्लाही। आईतबार सर्लाहीको ईश्वरपुरस्थित फरवार्ड माइक्रोफाइनान्स लघुवित्तको शाखा कार्यालयका दुई कर्मचारीमाथि लुटपाटको घटना भएको छ।

शाखा कर्मचारी पुजा सरदार र शान्ति सरदारलाई मोटरसाइकलमा आएका अपरिचित व्यक्तिले कटुवा पेस्तोल देखाएर नगद र कार्यालय प्रयोजनका कागजात सहितको झोला लुटेर फरार भएको संस्थाले जनाएको छ। घटनामा रु १,८४,७०५ संकलित नगद लुटिएको बताइएको छ।

संस्था अनुसार, घटना उनीहरु लालबन्दी नगरपालिका वडा नं. ३ बाट कार्यालयतर्फ फर्किने क्रममा हरिपुर जाने सडकको पोखरीटोल खण्डमा भएको हो।

प्रहरी प्रशासनले पिडित र स्थानीयवासीसँग सोधपुछ गरी सीसीटीभी फुटेज जाँच गरिरहेको छ र शंकास्पद व्यक्तिहरु माथि निगरानी राखिएको जनाएको छ। घटना सम्बन्धी लिखित उजुरी पनि प्रहरीमा दिइएको छ।