काठमाडौं। नेपाल – नबिल इन्भेस्टमेन्ट बैंकिङ्ग लिमिटेडले उत्कृष्ट सेवा प्रदान गर्दै आफ्नो १५औँ वर्ष सफलतापूर्वक पूरा गरी १६औँ वर्षमा प्रवेश गरेको छ। यस अवसरमा संस्थाले सामाजिक उत्तरदायित्व कार्यक्रम अन्तर्गत आज माघ २३, २०८२ मा नक्साल, नारायणचौरको प्राङ्गणमा रक्तदान कार्यक्रम सञ्चालन गरिरहेको छ।

वि.सं. २०६६ साल माघ महिनामा स्थापना भएको नबिल इन्भेस्टमेन्ट बैंकिङ्ग लिमिटेडले नेपालको पूँजी बजार तथा लगानी व्यवस्थापन क्षेत्रमा निरन्तर योगदान दिँदै आएको छ। स्थापना कालदेखि नै व्यावसायिकता, सुशासन, पारदर्शिता तथा ग्राहक–केन्द्रित सेवामार्फत संस्थाले बलियो संस्थागत विश्वास निर्माण गर्न सफल भएको छ।

बदलिँदो वित्तीय परिवेशसँग आफूलाई निरन्तर परिमार्जन गर्दै संस्थाले दीर्घकालीन मूल्य सिर्जना गर्ने उद्देश्यले विभिन्न लगानी तथा परामर्श सेवाहरू प्रदान गर्दै आएको छ। नबिल इन्भेस्टमेन्टले मर्चेन्ट बैंकिङ्ग अन्तर्गत निष्काशन तथा बिक्री प्रबन्धन सेवा, डिपी सेवा, शेयर रजिष्ट्रार सेवा तथा शेयर प्रत्याभूति सेवा प्रदान गर्दै आइरहेको छ।

त्यसैगरी, इन्भेस्टमेन्ट बैंकिङ्ग अन्तर्गत लगानी व्यवस्थापन सेवा, सामूहिक लगानी कोष सम्बन्धी सेवा तथा संस्थागत परामर्श सेवाहरू समेत उपलब्ध गराउँदै आएको छ। संस्थाले ग्राहकहरूलाई संस्थागत परामर्श सेवा अन्तर्गत संस्थागत पुनर्संरचना (Restructuring), मूल्याङ्कन (Valuation), व्यवसायिक योजना (Business Plan), लोन सिन्डिकेशन (Loan Syndication), सम्पत्ति व्यवस्थापन (Wealth Management), मर्जर तथा एक्विजिसन (Merger and Acquisition) तथा लगानी सम्बन्धी परामर्श सेवाहरू प्रदान गर्दै आएको छ।

यसका साथै, संस्थाले निकट भविष्यमा विशिष्ट लगानी कोष अन्तर्गत प्राइभेट इक्विटी फण्ड सञ्चालन गर्ने तयारी गरिरहेको छ।

१५औँ वार्षिकोत्सवको उपलब्धिलाई संस्थागत गौरवका रूपमा मनाउँदै नबिल इन्भेस्टमेन्ट बैंकिङ्ग लिमिटेडले आगामी दिनहरूमा नवीन सोच, सुदृढ जोखिम व्यवस्थापन, प्रविधिमैत्री सेवा तथा दिगो लगानी अभ्यासमार्फत नेपाली पूँजी बजारको विकासमा थप योगदान पु¥याउने प्रतिबद्धता व्यक्त गरेको छ।

संस्थाले आफूलाई सेवा गर्ने अवसर प्रदान गर्नुहुने सम्पूर्ण ग्राहक महानुभावहरू, नियामक निकायहरू, सञ्चारमाध्यम, संस्थापक कम्पनीहरू तथा सम्पूर्ण शुभेच्छुकहरूप्रति हार्दिक आभार तथा धन्यवाद व्यक्त गर्दछ।