काठमाडौं । IME Life Insurance Company र Nepal Cancer Hospital बीच सहकार्य सम्बन्धी समझदारीपत्र (MoU) मा हस्ताक्षर भएको छ।

सम्झौता अनुसार अब आइएमई लाइफका बीमित, अभिकर्ता तथा कर्मचारीहरूले नेपाल क्यान्सर अस्पतालमा उपचार गराउँदा १० प्रतिशतसम्म छुट पाउने भएका छन्। साथै, विभिन्न स्वास्थ्य सेवा प्याकेजहरूमा समेत विशेष सहुलियत प्रदान गरिनेछ।

कम्पनीका अनुसार उक्त छुट सुविधा लिनका लागि बीमितहरूले कम्पनीको मोबाइल एपमा उपलब्ध प्रिभिलेज कार्ड देखाउनुपर्नेछ। त्यस्तै, अभिकर्ता तथा कर्मचारीहरूले कम्पनीले जारी गरेको आधिकारिक परिचयपत्र प्रस्तुत गरेर छुट सुविधा प्राप्त गर्न सक्नेछन्।

सम्बन्धित सम्पर्क व्यक्तिहरूको विवरण भने कम्पनीको आधिकारिक वेबसाइटमा उपलब्ध गराइएको छ।

यस सम्झौताले बीमितहरूलाई सुलभ र सहज रूपमा गुणस्तरीय स्वास्थ्य सेवा उपलब्ध गराउन सहयोग पुग्ने विश्वास गरिएको छ।