बुद्ध एयरले यात्रुहरुलाई बार्षिक करिब १६ करोड रुपैयाँको छुट प्याकेज दिन्छ : वस्नेत
Monday Apr 13, 2026
वि.सं.२०८२ चैत ३० सोमवार २३:४९
काठमाडौं । बुद्ध एयरले आफ्ना यात्रुका लागि नयाँ माइलेस सुविधा घोषणा गरेको छ । सोमबार पत्रकार सम्मेलन गर्दै अब बुद्ध एयरका सबै उडानका यात्रुले टिकट खरिद गर्दा माइलेस अंक पाउने व्यवस्था लागू गरिएको जानकारी दिएको हो ।
संस्थापक वीरेन्द्रबहादुर बस्नेतले कुनै यात्रुले नौं सय माइल बराबरको टिकट लिन्छन् र उनीहरुसँग पाँच माइल बाँकी छ भने त्यो माइल प्रयोग गरी अर्को टिकट खरिद गर्दा तुरुन्तै पाँच सय माइल बराबरको छुट पाउन जानकारी दिए ।
उनले आइतबारदेखि टिकट काट्ने र फ्रिक्वेण्ट प्लायरमा जो पहिलो पटक आवद्ध हुन्छन् उनीहरुले १०० पोइन्ट बोनस पाउने बताए ।
उनले वार्षिक करिब १६ करोड रुपैयाँ बराबरको छुट यात्रुहरूलाई उपलब्ध गराएको बताए । क्यास डिस्काउनको पनि प्रक्रियामा रहेको उनले बताए ।
उनले १ लाख ८५ हजार रोयल क्लब सदस्य रहेको उल्लेख गरे । बुद्ध एयरसँग रोयल क्लब मेम्बर आत्मिय सम्बन्ध रहेको उनले उल्लेख गरे ।
