काठमाडौं । नेपाल एसबिआई बैंक लिमिटेड ले आफ्नो सामाजिक उत्तरदायित्व कार्यक्रमअन्तर्गत पर्सा जिल्लाको वीरगञ्जस्थित श्री महानगरपालिका आधारभूत विद्यालयका विद्यार्थीहरूलाई स्कुल ब्याग तथा शैक्षिक सामग्री वितरण गरेको छ।

बैंकका प्रबन्ध सञ्चालक तथा प्रमुख कार्यकारी अधिकृत राम कुमार तिवारी ले विद्यालयका प्रधानाध्यापकलाई एक कार्यक्रमबीच उक्त सामग्री हस्तान्तरण गरेका हुन्।

कार्यक्रममा बैंकका नायब प्रमुख कार्यकारी अधिकृत तथा प्रमुख सञ्चालन अधिकृत विकास आनन्द, प्रमुख वित्तीय अधिकृत राजेश कुमार पंडा, प्रमुख अनुपालन अधिकृत विष्णुदेव यादव, प्रमुख व्यवसाय प्रवर्द्धन अधिकृत प्रविण मुनि बज्राचार्य, प्रमुख कर्जा अधिकृत रोशन कोइराला तथा मधेश प्रदेश प्रमुख रितेश अर्याल लगायत बैंक र विद्यालयका पदाधिकारी तथा शिक्षकहरूको उपस्थिति रहेको थियो।

बैंकले शिक्षा क्षेत्रमा यस्ता सामाजिक उत्तरदायित्वसम्बन्धी कार्यक्रमहरू समय–समयमा सञ्चालन गर्दै आएको जनाएको छ।

गत ३२ वर्षदेखि बैंकिङ सेवा प्रदान गर्दै आएको नेपाल एसबिआई बैंक लिमिटेडका हाल देशभर १०३ शाखा, २२ एक्स्टेन्सन काउन्टर, २१ शाखारहित बैंकिङ सेवा, ७ प्रादेशिक कार्यालय, १ कर्पोरेट कार्यालय तथा १२७ एटिएम सञ्चालनमा रहेका छन्।