काठमाडौं । जी.ओ. अटोमोबाइल्स प्रा. लि. ले नेपालमा एमजी (MG) गाडीहरूको बिक्रीपछिको सेवा तथा स्वामित्व अनुभवलाई थप सुदृढ बनाउने घोषणा गरेको छ।

कम्पनीले सरकारी मूल्य पारदर्शिता सप्ताहको अवसरमा सहज, पारदर्शी र भरपर्दो स्वामित्व अनुभव सुनिश्चित गर्ने उद्देश्यले विभिन्न पहल अघि बढाएको जनाएको छ।

कम्पनीका अनुसार एमजी गाडीका जेन्युइन स्पेयर पार्ट्सको मूल्य सूची सार्वजनिक गरिएको छ, जसले ग्राहकलाई मर्मत तथा सवारी व्यवस्थापनमा पारदर्शिता र सहजता प्रदान गर्ने अपेक्षा गरिएको छ।

जी.ओ. अटोमोबाइल्सले एमजीका स्पेयर पार्ट्स भारतस्थित आधिकारिक सप्लाई चेनमार्फत आयात गरिने बताउँदै यसले गुणस्तर, उपलब्धता र मूल्यमा स्थायित्व सुनिश्चित गर्ने जनाएको छ।

कम्पनीले वार्षिक मर्मत खर्चसम्बन्धी विवरण पनि सार्वजनिक गर्ने तयारी गरेको छ, जसले ग्राहकलाई दीर्घकालीन लागतबारे स्पष्ट जानकारी दिनेछ।

साथै, बिक्रीपछिको सेवा सञ्जाल विस्तार गर्दै ग्राहक सहयोगलाई थप प्रभावकारी बनाइने कम्पनीले जनाएको छ।

कम्पनीका अनुसार यी पहलहरूले एमजी ग्राहकबीच दीर्घकालीन विश्वास निर्माण गर्दै पारदर्शी र ग्राहककेन्द्रित स्वामित्व अनुभव सुनिश्चित गर्ने लक्ष्य राखिएको छ।

थप जानकारीका लागि ग्राहकहरूले एमजी शोरुम वा ९८०१०२००६२ मा सम्पर्क गर्न सक्नेछन्।