काठमाडौं । नेको इन्स्योरेन्स लिमिटेडले बीमित तथा बीमा दाबीकर्तालाई आवश्यक कागजात तत्काल पेश गरी बीमा दाबी रकम फछ्र्योट गराउन आग्रह गरेको छ। कम्पनीले गत चैत मसान्तसम्म परेका बीमा दाबीमध्ये अपुग कागजात पेश गर्न भनेको हो।

विभिन्न बीमालेख अन्तर्गत परेका दाबीहरूमा अन्तिम मूल्यांकन तथा फछ्र्योटका लागि आवश्यक कागजात सम्बन्धित सर्भेयर वा कम्पनीमा माग गरिए पनि धेरै दाबीकर्ताबाट अझै कागजात प्राप्त हुन नसकेको कारण दाबी प्रक्रिया लम्बिएको कम्पनीले बताएको छ।

सूचनामा केन्द्रीय कार्यालय वा सम्बन्धित शाखा कार्यालयमा सूचना प्रकाशित भएको मिति (जेठ ६ गते) ले ३५ दिनभित्र सबै आवश्यक कागजात बुझाउन भनिएको छ। तोकिएको अवधिभित्र आवश्यक कागजात प्राप्त नभएमा सम्बन्धित बीमा दाबी फाइल बन्द गरिने चेतावनी समेत दिएको छ।