काठमाडौं । रमेश कर्पअन्तर्गतको कम्पनी टेलि टक प्रालिले सानेपास्थित रमेश कम्प्लेक्समा नयाँ POCO सर्भिस सेन्टर सञ्चालनमा ल्याएको घोषणा गरेको छ । उक्त सर्भिस सेन्टरमार्फत POCO ब्रान्डका स्मार्टफोन तथा सम्बन्धित उपकरणहरूको आधिकारिक बिक्रीपछिको सेवा तथा प्राविधिक सहयोग उपलब्ध गराइनेछ ।

सानेपाको सहज पहुँचयुक्त स्थानमा स्थापना गरिएको यस अत्याधुनिक सर्भिस सेन्टरले ग्राहकलाई द्रुत, भरपर्दो तथा ग्राहक–मैत्री सेवा प्रदान गर्ने लक्ष्य राखेको कम्पनीले जनाएको छ । सेन्टरमा दक्ष प्राविधिक टोली, आधुनिक परीक्षण सुविधा तथा गुणस्तरीय स्पेयर पार्ट्सको व्यवस्था गरिएको छ ।

नेपालमा स्मार्टफोन तथा प्रविधि उपकरणहरूको प्रयोग तीव्र रूपमा बढ्दै गएको सन्दर्भमा गुणस्तरीय बिक्रीपछिको सेवाको आवश्यकता पनि बढिरहेको कम्पनीको भनाइ छ । यही आवश्यकतालाई मध्यनजर गर्दै टेलि टक प्रालिले POCO प्रयोगकर्ताका लागि सहज तथा विश्वसनीय सेवा उपलब्ध गराउने उद्देश्यले नयाँ सर्भिस सेन्टर सञ्चालनमा ल्याएको जनाएको छ ।

ग्राहकहरूले उक्त सर्भिस सेन्टरबाट उपकरण परीक्षण, सफ्टवेयर सहयोग, वारेन्टी सेवा, मर्मत, नियमित मर्मतसम्भार तथा प्राविधिक परामर्शजस्ता सेवा प्राप्त गर्न सक्नेछन् ।

सर्भिस सेन्टर सानेपा, काठमाडौंस्थित रमेश कम्प्लेक्समा रहेको छ । कार्यालय समय आइतबारदेखि शुक्रबारसम्म बिहान १० बजेदेखि साँझ ६ बजेसम्म तोकिएको छ । सेवासम्बन्धी जानकारीका लागि +९७७–९८०२०५१०९३ र +९७७–९७०५०८३८०७ नम्बरमा सम्पर्क गर्न सकिने कम्पनीले जनाएको छ ।