सिटिजन लाइफ इन्स्योरेन्स कम्पनी लिमिटेडले एनएफआरएस–१७ कार्यान्वयनलाई प्रभावकारी तथा अन्तर्राष्ट्रिय मापदण्डअनुसार व्यवस्थित बनाउन विश्व प्रसिद्ध परामर्शदाता संस्था केपीएमजी एस्योरेन्स एण्ड कन्सल्टिङ सर्भिसेस एलएलपी इन्डियालाई नियुक्त गरेको छ।

नेपाल लेखामान बोर्डद्वारा जारी तथा नेपाल चार्टर्ड एकाउन्टेन्ट्स संस्थामार्फत लागू भएको एनएफआरएस–१७ कार्यान्वयनका लागि नेपाल बीमा प्राधिकरणको स्वीकृतिपछि कम्पनीले यो महत्वपूर्ण व्यावसायिक सम्झौता गरेको हो। विश्वका प्रमुख व्यावसायिक सेवा प्रदायक संस्थामध्ये एक मानिने केपीएमजीको अन्तर्राष्ट्रिय अनुभव र प्राविधिक दक्षताले सिटिजन लाइफको जटिल वित्तीय प्रतिवेदन मापदण्ड कार्यान्वयनमा महत्वपूर्ण सहयोग पुग्ने अपेक्षा गरिएको छ।

साढे तीन वर्षको रहने यस सम्झौता अवधि अन्तर्गत प्रारम्भिक कार्यान्वयनसँगै तीन वर्षसम्म पोस्ट–इम्प्लिमेन्टेशन सपोर्ट सेवा समेत उपलब्ध गराइने कम्पनीले जनाएको छ। यस रणनीतिक पहलले अन्तर्राष्ट्रिय लेखा तथा वित्तीय प्रतिवेदन मापदण्डअनुरूप संस्थागत पारदर्शिता, विश्वसनीयता तथा आन्तरिक क्षमता अभिवृद्धिमा ठूलो सहयोग पुग्ने विश्वास लिइएको छ।