काठमाडौं । सामसङ नेपालले विश्वकप सिजनलाई लक्षित गर्दै आफ्ना टिभी लाइनअपमा विशेष अफर सार्वजनिक गरेको छ। कम्पनीका अनुसार यो योजना आगामी जुलाई १९, २०२६ सम्म लागू रहनेछ।

अफरअन्तर्गत चयनित सामसङ टिभी मोडेलहरूमा २५ प्रतिशतसम्म क्यासब्याक उपलब्ध हुनेछ। कम्पनीले विश्वकपको रोमाञ्चक अनुभव घरमै स्टेडियमसरह बनाउन ठूलो स्क्रिनका टिभीमा आकर्षक सुविधा ल्याएको जनाएको छ।

यस योजनाअन्तर्गत ७५ इन्च र ८५ इन्चका चयनित टिभी खरिद गर्ने ग्राहकले रु. ४९ हजार ९९० मूल्यको साउन्डबार केवल रु. ९ हजार ९९९ मा प्राप्त गर्न सक्नेछन्। यसले उच्चस्तरीय दृश्य अनुभवसँगै शक्तिशाली ध्वनि अनुभव पनि प्रदान गर्ने कम्पनीको दाबी छ।

सामसङले विश्वकप लाइभ सब्स्क्रिप्सन निःशुल्क उपलब्ध गराउनुका साथै NETTV प्याकेज पनि उपहारस्वरूप दिने व्यवस्था गरेको छ। QLED तथा UHD मोडेल खरिद गर्ने ग्राहकले १२ महिनासम्मको निःशुल्क NETTV प्याकेज पाउनेछन् भने FHD तथा HD मोडेल खरिदकर्ताले ६ महिनासम्मको निःशुल्क NETTV सुविधा प्राप्त गर्नेछन्।

कम्पनीका अनुसार QLED सिरिजका ५५ इन्चदेखि ८५ इन्चसम्मका मोडेलमा २५ प्रतिशतसम्म क्यासब्याक उपलब्ध हुनेछ। UHD सिरिजका ४३ इन्चदेखि ६५ इन्चसम्मका मोडेलमा १० प्रतिशतसम्म, FHD ४३ इन्च मोडेलमा ७ प्रतिशत तथा HD ३२ इन्च मोडेलमा २१ प्रतिशतसम्म क्यासब्याक प्रदान गरिनेछ।

ग्राहकले Hulas Finserve Hire Purchase Ltd. मार्फत सञ्चालित सामसङ इन्स्टा फाइनान्स सेवाबाट १२ वा २४ महिनाको ईएमआई योजनामा पनि टिभी खरिद गर्न सक्नेछन्।

त्यसैगरी, पुरानो टिभी वा अन्य उपकरण साटेर नयाँ सामसङ टिभी खरिद गर्न चाहने ग्राहकले Arko Store तथा देशभरका अधिकृत सामसङ रिटेल स्टोरमार्फत एक्सचेन्ज सुविधा लिन सक्ने कम्पनीले जनाएको छ।

अफरबारे थप जानकारीका लागि ग्राहकले नजिकको अधिकृत सामसङ स्टोरमा सम्पर्क गर्न सक्नेछन्।