काठमाडौं । एभरेष्ट बैंकले आफ्नो सेवा सञ्जाल विस्तार गर्दै पाल्पाको तानसेन–७ मा नयाँ एक्सटेन्सन काउण्टर सञ्चालनमा ल्याएको छ।

बैंकले २०८३ भदौ १ गतेदेखि लुम्बिनी मेडिकल कलेज एण्ड टिचिङ हस्पिटल लिमिटेडको परिसरमा नयाँ एक्सटेन्सन काउण्टर सञ्चालनमा ल्याएको हो। नयाँ काउण्टर थपिएसँगै बैंकको एक्सटेन्सन काउण्टर संख्या पाँच पुगेको छ।

बैंकका अनुसार नयाँ काउण्टर सञ्चालनसँगै पाल्पावासीले थप सहज, सरल तथा आधुनिक बैंकिङ सेवा प्राप्त गर्नेछन्। अस्पताल परिसरमा काउण्टर स्थापना भएपछि बिरामी, सेवाग्राही, कर्मचारी तथा स्थानीय बासिन्दाको बैंकिङ पहुँच विस्तार हुने विश्वास बैंकले लिएको छ।