काठमाडौं । एनसेलले अन्तर्राष्ट्रिय आउटगोइङ अर्थात् बहिर्गमन कलका लागि ६० सेकेन्डको नयाँ पल्स दर लागू गरेको छ। कम्पनीले मंगलबारदेखि १९८ गन्तव्य मुलुकमा नयाँ पल्स दर कार्यान्वयनमा ल्याएको जनाएको छ।

एनसेलले नेपाल दूरसञ्चार प्राधिकरणको साउन २२, २०८३ मा प्राप्त स्वीकृतिअनुसार अन्तर्राष्ट्रिय आउटगोइङ कलको पल्स दर परिवर्तन गरेको हो। दूरसञ्चार ऐन, २०५३ को दफा ४२ अनुसार प्राधिकरणले कम्पनीको नयाँ पल्स दरलाई स्वीकृति प्रदान गरेको बताइएको छ।

प्राधिकरणको स्वीकृतिबमोजिम अष्ट्रेलिया, बहराइन, क्यानडा, अमेरिका, चीन, फिनल्यान्ड, डेनमार्क, फ्रान्स, जर्मनी, भारत, हङकङ, इटाली, जापान, दक्षिण कोरिया, लेबनान, मलेसिया, न्युजिल्यान्ड, नर्वे, पाकिस्तान, पोल्यान्ड, कतार, रसिया, रोमानिया, साउदी अरेबिया, सिङ्गापुर, दक्षिण अफ्रिका, स्पेन, स्विडेन, स्विट्जरल्यान्ड, ताइवान, थाइल्यान्ड, टर्की, संयुक्त अरब इमिरेट्स, संयुक्त अधिराज्य, मेक्सिको र लिबियालगायत १९८ गन्तव्य मुलुकमा ६० सेकेन्डको नयाँ पल्स दर लागू भएको कम्पनीले जनाएको छ।

नयाँ पल्स दर लागू भएका सबै मुलुकको पूर्ण सूची तथा अन्तर्राष्ट्रिय कल र एसएमएसको शुल्कसम्बन्धी विस्तृत जानकारी एनसेलको वेबसाइटअन्तर्गत ‘इन्टरनेशनल कल एन्ड एसएमएस रेट’ खण्डमा उपलब्ध रहेको कम्पनीले जनाएको छ।