काठमाडौं, असार १९। संखुवासभाको तिलिचुङ गाउँपालिका वडा नम्बर १ होयाङ्लाबाट प्रहरीले विप्लव समूहका जिल्ला नेता निमदोर्जे तामाङलाई एसएलआर राइफलसहित पक्राउ गरेको छ ।

असार १६ गते गोली चलेको स्थान नजिकैबाट तामाङलाई पक्राउ गरिएको हो । प्रहरीका अनुसार एलएमजी राइफलमा लाग्ने २० राउन्ड गोली, विस्फोट गराउन प्रयोग गरिने ३४ फिट डेडकर्ड, मोबाइल फोन लगायतका सामाग्री पनि बरामद गरेको छ ।

यस्तै, प्रहरीले तामाङको साथबाट एसएलआर राइफल एकथान र त्यसमा प्रयोग हुने गोली ६९ राउण्ड बरामद गरेको छ ।