७६काठमाडौं,११चैत: माछापुच्छ्रे बैंकको सिइओमा सन्तोष कोइराला नियुक्त भएका छन् । बैंक सञ्चालक समितिको बैठकले हालसम्म बैंकको कामु सिइओको जिम्मेवारीमा रहेका सन्तोष कोइरालालाई सिइओ बनाउने निर्णय गरेको हो ।

‘नवनियुक्त सीइओ सन्तोष कोइरालाले आर्थिक बजार न्यूजडटकमसंग टेलिफोनमा भनेः मलाई प्रमुख कार्यकारी अधिकृत बनाउने बैंक सञ्चालक समिलिते निर्णय गरेको छ । तर, यो निर्णय आउदो बैशाख १ गतेबाट मात्र लागु हुन्छ । मैले नयाँ बर्षको सरुवातबाट ४ वर्षका लागि माछापुच्छ्रे बैंकको कार्याभार सम्हाल्ने भएको छु । कोइराला विगत १७ वर्षदेखि बैंकिङ क्षेत्रमा छन् । उनले त्रिभुवन विश्व विद्यालयबाट एमबीएसम्म्को अध्ययन गरेका छन् ।

अहिलेको तत्कालीन अवस्थाका बारेमा नवनियुक्त सीइओ सन्तोष कोइरालासंग प्रक्रिया बुझ्दा उनी भनेः अहिलेको अवस्था आपतकालिन अवस्था हो । यो समयमा हामिले राष्ट्र बैंक भन्दा पनि सरकारको आदेश पालना गर्नुपर्ने हुन्छ । सरकारले आम जनताहरुको अवस्थालाई बुझि बैंक खोल्न निर्देशन दिएको अवस्थामा हामी बैंक खोल्न मञ्जुर छौं । तरपनि हाम्रो बैंकका काउण्टहरु बन्द रहेपनि बैंकको एटिएम मेसिनहरु र अनलाईन बैंकिङ्ग सेवाहरु त बन्द गरेका छैनौं । विश्व नै आतिएको यस्तो अवस्थामा हामीले सरकारलाई सहयोग गर्नु पर्छ ।