काठमाडौं । सानिमा लाइफ इन्सुरेन्सले चालु आर्थिक वर्षको दोस्रो त्रैमासमा ५ करोड ५४ लाख रुपैयाँ खुद नाफा कमाएको छ । यो नाफा रकम गत वर्षको भन्दा १५।४०५ धेरै हो । गत वर्ष कम्पनीले ४ करोड ८० लाख रुपैयाँ नाफा कमाएको थियो ।

यता, कम्पनीले यो त्रैमाससम्ममा खुद बिमा शुल्क १३४।७७५ ले बढाएर ९५ करोड ६३ लाख रुपैयाँ आर्जन गरेको छ । गत वर्ष सानिमाले वर्ष ४० करोड ७३ लाख रुपैयाँ मात्र खुद बिमा शुल्क आर्जन गरेको थियो ।

यसले जीवन बिमा कोषको आकार पनि ६७ करोड रुपैयाँबाट बढाएर १ अर्ब ६३ करोड रुपैयाँ पुर्याएको छ । हाल यसको चुक्ता पुँजी १ अर्ब ४० करोड रुपैयाँ रहेको छ भने रिजर्भ कोषमा १७ करोड १९ लाख रुपैयाँ छ ।

रिजर्भ कोषलाई सुधार गर्दै अघि बढाउनुपर्ने देखिन्छ । कम्पनीले यही चुक्ता पुँजीबाट ६० करोड रुपैयाँ बराबरको आइपीओ निष्कासन गर्ने तयारी गरेको छ । आइपीओ जारीपछि भने पुँजी २ अर्ब रुपैयाँ पुग्नेछ ।