काठमाण्डौ । तीन लघुवित्तको लाभांश सुरक्षित गर्ने आज बिहीबार अन्तिम दिन रहेको छ।
नेसनल माइक्रोफाइनान्स, गणपति र स्वरोजगार लघुवित्त वित्तीय संस्था लिमिटेडको लाभांश सुरक्षित गर्ने आज अन्तिम मौका रहेको हो। लाभांश र वार्षिक साधारणसभा प्रयोजनका लागि नेसनल र गणपतिले भोलि फागुन १४ गते र स्वरोजगार लघुवित्त पर्सि फागुन १५ गते बुक क्लोज गर्ने निर्णय गरेका छन्। यसको अर्थ आज फागुन १३ गतेसम्म कायम सेयरधनीहरुमात्र यी लघुवित्तको प्रस्तावित लाभांश पाउन र वार्षिक साधारणसभामा भाग लिन योग्य हुनेछन्।

गत आर्थिक वर्षको मुनाफाबाट नेसनलले २१ प्रतिशत बोनस र ६ प्रतिशत नगद लाभांश प्रस्ताव गरेको छ भने गणपतिले १५ प्रतिशत बोनस र ०.७९ प्रतिशत नगद लाभांश घोषणा गरेको छ। स्वरोजगार लघुवित्तले भने १२.३९ प्रतिशत बोनस र ०.६५ प्रतिशत नगद गरी कुल १३.०४ प्रतिशत लाभांश प्रस्ताव गरेको छ।

यी लाभांशहरु अनुमोदन गर्न नेसनलले आउँदो चैत ५ गते, गणपतिले यही फागुन २८ गते र स्वरोजगार लघुवित्तले यही फागुन २९ गते वार्षिक साधारणसभा डाकेका छन्।