काठमाडौं । चैत ११ गते हुने भिटोफ नेपालको निर्वाचनमा पहिलोपटक महिला नेतृत्वका लागि जस्फा पाण्डे मैदानमा छिन् । नेपाली पर्यटन क्षेत्रमा संलग्न अग्रज एवं समकक्षी व्यवसायीहरूसँग उनले राजनीतिक आँखाले नहेरी भिटोफ नेपालको नेतृत्वमा महिलालाई एकपटक स्थान दिएर हेर्न आग्रह गरेकी छिन् । जस्फा पाण्डेले भनेकी छिन्– ‘अग्रज एवं समकक्षी पर्यटन व्यवसायीहरूको सद्भाव, सहयोग, सल्लाह, सुझावअनुरुप पहिलोपटक भिटोफ नेपालको महिला नेतृत्वका लागि अध्यक्ष पदमा उम्मेदवार बन्ने निर्णय गरेको हुँ । मलाई विश्वास छ, नेपालमै बसेर नेपाली माटोलाई माया गर्ने मेरो संकल्पलाई राजनीतिक आँलाले नहेरी सबैको इमानदार साथ–सहयोग पाउने नै छु र मैले हामी सबै पर्यटन व्यवसायीहरूको साझा संस्था भिटोफ नेपाललाई थप परिपक्व र मजवुत बनाउने प्रण गरेको छु ।’

भिटोफ नेपालको सदस्य हुँदै वर्तमान महासचिव रहेकी जस्फा पाण्डेले मौलिक संस्कतिलाई जोगाउँदै, प्रवद्र्धन गर्दै नेपाली जीवनशैलीलाई विश्वमाझ पु¥याउने अनि गाउँघरमा रहेको पर्यटनका प्रचुर सम्भावनालाई विकास गर्दै गाउँ–गाउँमा उद्यमशीलताको विकास गर्ने लक्ष्यका साथ महिला उद्यमशीलता, सीपको विकास, पर्यटन पूर्वाधार निर्माण, गाउँका उत्पादन र भेषभूषाको प्रवद्र्धन गरी गाउँमै रोजगारीसमेत सिर्जना गर्ने स्पष्ट कार्ययोजनासहित अध्यक्ष पदमा उम्मेदवारी दिएकी हुन् ।

आफू अध्यक्षमा निर्वाचित भएपछि गाउँ–गाउँमा महिला उद्यमशीलता दोब्बर पार्ने, पर्यटनमार्फत् नेपाली गाउँहरूलाई विश्वमाझ चिनाउने, स्थानीय परिकारहरूको विश्वव्यापीकरणका लागि अभियान चलाउने, स्थानीय रीति–रिवाज र संस्कृतिको जगेर्ना र प्रवद्र्धनका कार्यक्रम चलाउने, स्थानीय उत्पादनको व्यवसायिकरण गर्नका लागि कार्यक्रम ल्याइने, विदेशी पर्यटकहरूलाई गाउँ–गाउँमा पु¥याएर नेपाली मौलिकताको अनुभव गर्ने कार्यक्रम चलाउने, आन्तरिक पर्यटन प्रवद्र्धनका कार्यक्रमहरू सञ्चालन गर्ने, गाउँ–गाउँमा पूर्वाधारका लागि सरकार एवं अन्तर्राष्ट्रिय समुदायसँगको समन्वयमा काम गर्ने प्रतिबद्धता उनले जनाएकी छिन् । पर्यटन व्यवसायीहरू पनि यसपटक भिटोफ नेपालको नेतृत्वमा महिलालाई पु¥याएर इतिहास रच्न लागिपरेको स्रोतहरूले जानकारी दिएका छन् ।