४ जेठ, धनुषा- औषधी ब्यवस्था विभागले जनकपुरका औषधी पसलमा अनुगमन गरेको छ । अनुमती विना सञ्चालनमा आएका औषधी पसलमा विभागले अनुगमन गरेको हो ।

दर्ता नभएका र अवैधानिक औषधी पसलको संख्या उच्च भएपछि औषधी व्यवस्था विभाग बीरगञ्जले त्यसको अनुगमन थालेको हो । विभागका फार्मेसी अधिकृत डा.चन्देश्वर यादवको नेतृत्वमा रहेको सात सदस्यीय अनुगमन टोलीले धनुषाको रमदैया, लक्ष्मीनिया र जनकपुरको केहि औषधी पसलमा अनुगमन गरेको छ । अनुगमनको क्रममा दर्ता नभएका तीन वटा औषधी पसलमा शिलबन्दी गरिएको अनुगमन टोलीका संयोजक साहले बताए ।

धनुषाको रमदैयाबाट थालिएको अुगमन हुने थाहा भएपछि अधिकाँश औषधी पसलहरु बन्द भएका थिए । विना दर्ता सञ्चालित र नेपालमा प्रतिबन्ध लगाइएका औषधी बेच्ने पसल लक्षित अनुगमन गरिएको संयोजक साहको भनाई थियो । अनुगमन टोलीले १२ औषधी पसलमा अनुगमन गरेको थियो । अनुगमनमा अधिकांश पसलमा सरसफाईको अभाव, फ्रिजको अभाव लगायतका समस्या देखिएपछि शिलबन्दी गरिएको साहको भनार्ई थियो ।

औषधी पसलमा शिलबन्दी गरेपछि असन्तुष्ट व्यवसायीहरु पसल बन्द गरेर आन्दोलनमा उत्रिएका छन् । अनुगमन गरेपछि त्यसको विरोधमा औषधि व्यावसायीहरु आक्रोशित देखिएका हुन् । उनीहरुले अनुगमन टोलीले नियमसंगत काम नगरेको आरोप लगाएका छन ।