काठमाडौं । सर्वाधिक चर्चा र चासोको विषय बनेको काठमाडौं महानगरपालिकाको मेयर पदमा सुरुदेखि नै सबैभन्दा अगाडि रहेका बालेन साहले ३३ हजार २६० भोट पुगेको छ । राष्ट्रियसभागृहमा जारी मतगणनामा साहले भित्री शहरहरुबाट समेत राम्रो मत ल्याउँदै अघि बढेको मत गणनामा सहभागी प्रतिनिधिहरुले जनाएका छन् ।

काठमाडौं महानगरपालिकाको मेयर पदका उम्मेदवारहरु एमालेका केशव स्थापित बालेन साहभन्दा आधा तल नै अल्झिएका छन् । आज विहानसम्मको विवरण अनुसार स्थापितले १७ हजार ६९२ मा पाएका छन् भने नेपाली कांग्रेसकी सिर्जना सिंहले १७ हजार ५७९ मत पाएकी छिन् ।

संघीय लोकतान्त्रिक गणतान्त्रिक शासन व्यवस्थाको अभिन्न अंग मानिने देशका मुख्य दलहरुलाई लज्जास्पद पराजय चखाउँदै स्वतन्त्र उम्मेदवार बालेनले अत्याधिक भोट प्राप्त गरेपछि यतिबेला देशको सिंगो राजनीति नै तरंगित बन्न पुगेको छ ।