निरंजन साह,जनकपुरधाम । प्रदेश नम्बर दुई को राजधानी मा जनकपुर अञ्चल अस्पतालका मेडिकल सुपरिटेन्डेन्ट डा।रामपरिक्षण यादवले सेवाबाट अवकाश पाउनै लाग्दा प्रक्रिया मिचेर कर्मचारी नियुक्ति गरेको रहस्य खुलेका छ ।

डा। यादवले कात्तिक १८ गते जुनियर मेडिकल रेकर्डर असिस्टेन्टमा डा। उदेश कुमार राय (अधिकारी)लाई नियुक्त गरेका छन। उनी अझै एक जना चिकित्सकको नियुक्त गर्ने तयारीमा रहेको बताइएको छ ।

नियुक्ति पाएका डा। राय सोही अस्पतालमा कार्यरत लेखा अधिकृत रामविनयका छोरा हुन् । रायलाई अस्पतालमा जागिर लगाइदिने र डा। यादवले भने अनुसार प्रक्रिया मिलाएर रकम भुक्तानी गर्ने सहमति भएको श्रोतका दाबी छन ।

जनकपुर अञ्चल अस्पतालको विकास समिति खारेज भएका कारण निजी श्रोतबाट कर्मचारी नियुक्त गर्न पाइँदैन । तर, डा। रायलाई कात्तिक १८ गते आइतबार चलानी नम्बर ९७९ बाट मेसु डा यादवले प्रक्रिया मिचेर नियुक्ति पत्र दिएका हुन् ।

उनले २०७३ पुस ७ गते विकास समितिमार्फत १८ जना चिकित्सकलाई मासिक १० हजार खाजा खर्च दिएर नियुक्ति गरेका थिए । सो बाहेक विकास समिति खारेज भएपछि पनि २०७५ असोज २९ गतेसम्ममा उनले प्रक्रिया नै पुरा नगरी अवैध रुपले ३६ जना कर्मचारी भर्ना गरेका हो ।

नातागोता र आर्थिक लेनदेन गरी कर्मचारी भर्ना गर्दा मेसु डा। यादव र कर्मचारीबिच मतभेदसमेत भएका थिए। अस्पतालको गोप्य सूचना सार्वजनिक गरेको भन्दै प्रशासन फाँटका कर्मचारीलाई मेसु यादवले जिम्मेवारीबाटै हटाएका थिए ।

डा। यादव कर्मचारी भर्नालगायत विभिन्न अनियमिततामा संलग्न रहेको अस्पताल श्रोतले बताएको छ । दुई साताअघि जनकपुर अञ्चल अस्पतालमा हाजिर भएका लेखा अधिकृत राय र मेडिकल सुपरिटेन्डेन्ट यादवको मिलेमतोमा मात्रै इन्धन, ल्याब बनाउने प्लाइबोर्ड र सीसीटिभी खरिदमा लाखौँको अनियमितता भएको छ ।

अवकाश हुने समय नजिकिएपछि डा। यादवले जेरनेटर र गाडीमा खपत नै नभएको इन्धनको बिल बनाई रकम निकासा गरेको बताइएको छन ।

डा।यादव ले अस्पतालमा असहाय व्यक्तिका लागि आएको रकम पनि हिनामिना गरेका छन् । साथै, निर्माणाधिन भवन को ठेक्का पाएका ठेकेदारसँग पनि उनले कमिसन खान खोजेको आरोप लगाइएका छन ।

बहिरङ्ग विभाग र अकास्मिक विभागको भवनको काम पुरा नहुँदै उपप्रधान तथा स्वास्थ्य मन्त्री उपेन्द्र यादवले सो भवनको उद्घाटन गरेका थिए ।

२०७४ पुस मसान्तसम्म निर्माण सक्नु पर्ने भवन अझै अस्पताललाई हस्तान्तरण गरिएका छैन । भवन निर्माणका क्रममा हुने अतिरिक्त खर्चबापतको करिब ३० लाख रुपैयाँ हिनामिना गर्न मेसु डा। यादव अहिले दौडधुपमा छन् ।

यो विषयमा मेसु डा। यादवसँग जिज्ञासा राख्दा अवकाश पाउन केही साता रहेकाले आफूले विवादमा आउने काम नगरेको दाबी गरे हो ।