काठमाडौं । काठमाडौंको दरबारमार्गस्थित होटल याक एण्ड यतिमा सञ्चालित रोयल क्यासिनोमा जुवा खेल्दै गरेको अवस्थामा बेहोस भई एक नेपालीको निधन भएको छ । प्रचलित कानुनी व्यवस्थाविपरीत क्यासिनोमा पुगेर जुवा खेलेका सिरहा लाहानका बुद्धिलाल शाहको कार्तिक ८ गते बिहीबार जुवा खेल्दै गर्दा मृत्यु भएको हो । जुवा खेल्ने क्रममा बेहोस भएका शाहलाई प्रदर्शनीमार्गस्थित काठमाडौं मोडल अस्पताल पु९याइएपनि अस्पतालले तत्कालै मृत घोषणा गरेको थियो । क्यासिनोमा नेपालीहरुलाई प्रवेश निषेध छ तर नेपालीहरु क्यासिनो प्रवेशमा भारतीय परिचयपत्र देखाई क्यासिनो प्रवेश गर्ने गरेको खुलेको छ । उनको निधनबारे अनुसन्धान अघि बढाइएको प्रहरीले जनाएको छ । जुवा खेल्ने प्रवृत्तिले पारिवारिक कलह बढेको भन्दै नेपालीलाई क्यासिनो प्रवेशमा रोक लगाइएको छ ।
क्यासिनोमा भारतीय परिचयपत्रको आडमा जुवा खेल्दै आएका शाह एक्कासि बेहोस भएका थिए । शाहको मृत्यपछी उनको साथ बाट भारतीय नागरिक हरिशंकर पालको नाममा रहेको परिचयपत्र प्रहरीले भेटाएको जनाएको छ । क्यासिनोमा धेरै रकम हारेपछि हार्ट अट्याक भयर शाहको मृत्यु भएको कर्मचारीहरु बताउछन । रोयल क्यासिनोले नेपालि खेलाडी हरुलाई जुवा खेल्नको लागि नक्कली कर्मचारी परिचय पत्र बनाउने या नक्कली भारतीय कार्ड बनाइ क्यासिनो छिराउने गरेको एक कर्मचारीले जनसवाललाई बताए । क्यसिनोकी नक्कली संचालिका जयन्ति थापामगर र सिइओ गिरीधर टण्डनको मिलेमतोमा क्यासिनोमा नेपालीलाई प्रबेश गराउने गरिएको छ । शाहको मृत्यपछि रोयल क्यासिनोमा नेपालि प्रवेश गराइने गरेको प्रमाणित भएको छ ।
रोयल क्यासिनोमा जुवा खेल्दै गरेको अवस्थामा शाहको निधन भएपछि क्यासिनो सञ्चालकको मिलेमतोमा सुरक्षागार्डलाई प्रहरीले नियन्त्रणमा लिएको छ । दरबारमार्ग प्रहरी प्रभागका प्रमुख र क्यासिनो सञ्चालकबीच भएको मिलेमतोमा सञ्चालकलाई उन्मुक्ति दिई सुरक्षागार्डलाई पक्राउ गरी लगेको आरोप कर्मचारीहरुको रहेको छ । सो घटनामा क्यासिनोका सञ्चालक, व्यवस्थापकलाई प्रहरीले नियन्त्रणमा लिनुपर्नेमा त्यसो नभई सुरक्षागार्ड रत्न रायमाझीलाई गत १० गते पक्राउ गरेको थियो कर्मचारीहरुको विरोधपछि उनलाई धरौटीमा रिहा गरिएको छ ।
प्रहरीले साधारण कर्मचारीलाई पक्राउ गरेपनि क्यसिनोकी संचालिका थापामगर भने पैसाकै आडमा पक्राउ परेकी छैनन् उनि उक्त घटना पछि क्यासिनो भने गएकी छैनन् । थापामगर क्यासिनोमा नहुदा क्यासिनोका सम्पूर्ण गतिबिधि टन्डनले गर्ने गरेका छन् धेरै बर्ष क्यासिनो रयाडमा काम गरेका क्यासिनोका खेलाडी मानिने टन्डनले प्रहरी सेटिंग मिलाएर क्यासिनोमा खुलमखुल्ला नेपालि छिराउन पहल गरिरहेका छन् । त्यसकै लागि टन्डन शक्तिकेन्द्र धाउदै छन् टन्डन करिब दुइ हप्ता पहिले मात्रै रोयल क्यासिनोमा प्रबेश गरेका हुन् थापामगर कारबाही बाट बच्न शक्तिकेन्द्र धाई नै रहेकी छन् । यता क्यसिनोकी संचालिका जयन्ति थापामगरले भने प्रहरी बाट बच्न कार्तिक २७ गते जिल्ला प्रशासन कार्यालय काठमाण्डुमा ३०००० धरौटी राखी मङ्सिर १६ गतेलाई तारेख लिएकी छन् । थापामगरले आफुलाई प्रहरीबाट बचाउन र प्रहरीलाई प्रभावित पार्न क्यासिनोका सेक्युरिटी प्रमुख पूर्व डिएसपीलाइ जिम्मा लगाएकी छन् । भारतीय नागरिक आशिष पटेलले लगानी गरेको क्यासिनोमा थापामगरलाई देखावटी संचालिका राखिएको स्वयं थापामगर नै बताउछिन ।
क्यासिनोमा नेपालीहरुलाई प्रवेश निषेध गरेको छ तर नेपालीहरु क्यासिनो प्रवेशमा भारतीय परिचयपत्र देखाई क्यासिनो प्रवेश गर्ने गरेको प्रस्ट भएको छ । लामो समयदेखि रोयल क्यासिनोमा भारतीय नागरिक भन्दै नेपालीलाई प्रवेश गराउँदै आएको छ । सोबारे सम्बन्धित निकायले समेत ध्यान नदिएपछि अवैध कार्यमा तीव्रता आएको छ । रोयल क्यासिनोले नेपालि खेलाडी हरुलाई जुवा खेल्नको लागि नक्कली कर्मचारी परिचय पत्र बनाउने या नक्कली भारतीय कार्ड बनाइ क्यासिनो छिराउने गरेको एक कर्मचारीले जनसवाललाई बताए ।
क्यासिनो रोयलमा अन्तर्राष्ट्रिय आतंकवादी समुहको लगानी रहेको र कुन स्रोतबाट यति रकम लगानी गरे भनेर सम्पत्ति शुद्धिकरण विभागलाई छानबिन गर्न सुजन दाहालले मुद्दा दर्ता गरेका छन् । विभागमा दाहालले गरेको मुद्धाको दर्ता न ं ३१४४ रहेको छ । दाहालले मुद्धा दर्ता गरी लगानीको स्रोत छानबिन गरी सम्पत्ति शुद्धिकरण ऐन अनुसार कारबाही गर्न भन्दै मुद्दा दर्ता गरेका हुन् । निवेदकले क्यासिनो रोयलका सञ्चालक सुरेन्द्र बहादुर सिंह र क्यासिनो रोयल खरिद गर्ने जयन्ती थापाको सम्पत्ति छानबीन गरि कडा भन्दा कडा कारबाही गर्न आग्रह गरेका छन् ।