काठमाडौं । गत आर्थिक वर्षको चौथो त्रैमाससम्म सोल्टी होटल लिमिटेडले रू. ३० करोड १६ लाखभन्दा बढी खुद नाफा गरेको छ । अघिल्लो वर्ष यस अवधिसम्म रू. २२ करोड ४९ लाखभन्दा बढी खुद नोक्सानीमा रहेको कम्पनीले गत वर्षभने खुद नाफा गर्न सफल भएको हो । गत वर्ष कम्पनीको कुल आम्दानी २०२ प्रतिशत बढी भएकाले खुद नाफा गर्न सफल भएको हो । अघिल्लो वर्ष रू. ४५ करोड ३९ लाखभन्दा बढी कुल आम्दानी गरेको कम्पनीले गत वर्ष रू. १ अर्ब ३७ करोडभन्दा बढी कुल आम्दानी गरेको हो ।
कम्पनीको कुल खर्च पनि अघिल्लो वर्षभन्दा ६७ दशमलव ९४ प्रतिशत बढी रू. १ अर्ब ५ करोड भएको छ । हाल कम्पनीको चुक्तापूँजी रू. ८४ करोड २५ लाख ७९ हजार छ । रिटेन्ड अर्निग रकम अघिल्लो वर्षभन्दा ५१ प्रतिशत बढी रू. ८९ करोड १२ लाख ९५ हजार रहेको छ । गत चौथो त्रैमाससम्म कम्पनीको प्रतिशेयर आम्दानी रू. ३ दशमलव ५८ र प्रतिशेयर नेटवर्थ रू. २० दशमलव ५८ छ ।