काठमाडाैँ । निर्देशिकाको परिच्छेद ४ मा विविध शीर्षक अन्तर्गत सेवा शुल्क लिन सक्ने व्यवस्थामा बुँदा नम्बर १२ उपदफा ९१० मा बैंक वा वित्तीय संस्थाले निर्देशिका बमोजिम धितोपत्र खरिद सम्बन्धी सुविधा उपलब्ध गराए बापत बढीमा १०० रुपैयाँ सेवा शुल्क लिन सक्ने व्यवस्था छ ।

आश्वा शुल्क वापत सबैभन्दा बढी रकम असुल्दै आएको स्ट्याण्डर्ड चार्टड बैंकलाई झट्का लाग्ने भएको छ । नेपाल धितोपत्र बोर्डले आश्वा शुल्कमा मनपरी शुल्क असुल्दै आएको स्ट्याण्डर्ड चार्टर्ड बैंकसहितका २० बै।कलाई आश्वा शुल्क घटाउन निर्देशन दिएको छ ।

धितोपत्र वोर्डले आश्वा शुल्कमा अबदेखि ५ रुपैंयाभन्दा बढी शुल्क लिन नपाउने निर्देशन दिएको हो । वोर्डको सञ्चालक समितिको बैठकले आश्वा शुल्क अधिकतम ५ रुपैयाँभन्दा बढी लिन नपाउने गरि आवश्यक ब्यबस्था गर्ने निर्णय गरेको हो ।

अहिले विदेशी स्वामित्वको स्ट्याण्डर्ड चार्टर्ड बैंक १०० रुपैयाँ शुल्क लिदै आएकोमा अब अधिकतम ५ रुपैयाँमात्र लिन पाउने छन् । यद्यपि उनीहरुले चाहेमा यो सेवा निशुल्क समेत दिन सक्ने छन् ।

हाल नबिल बैंक,एनआइसी एसिया,मेगा बैंक कुमारी बैंकले यो सेवा निशुल्क प्रदान गरिरहेका छन् ।
धितोपत्र खरिद (सार्वजनिक निष्कासन) सम्बन्धी (दोस्रो संशोधन) निर्देशिका, २०७३ बैंक तथा वित्तीय संस्थाले आस्वा सेवा उपलब्ध गराए वापत लिन पाउने शुल्कको व्यवस्था गरिएको छ । सोही व्यवस्था अनुसार बैंकहरुले आश्वा शुल्क लिदैं आएका छन् ।