काठमाडौं । आज(बिहीवार) मुलुकभरको मौसम सामान्यतया सफा रहनेछ । मौसम पूर्वानुमान महाशाखाका अनुसार बिहीवार दिउँसो कोशी, बागमती र गण्डकी प्रदेशका पहाडी भू–भागमा भने आंशिकदेखि सामान्य बदली रहने सम्भावना छ ।

मुलुकको बाँकी भूभागको मौसम भने सामान्यतया सफा रहने छ । त्यस्तै, कोशी, बागमती र गण्डकी प्रदेशका पहाडी भू–भागका केही स्थान र मुलुकको बाँकी भूभागका एक–दुई स्थानमा मेघ गर्जनसहित क्षणिक वर्षाको सम्भावना रहेको छ ।

बिहीवार राती मुलुकको पहाडी भूभागमा आंशिकदेखि सामान्य बदली रहेता पनि बाँकी भूभागमा मौसम सामान्यतया सफा रहने छ । कोशी र गण्डकी प्रदेशको पहाडी भूभागका एक–दुई स्थानमा मेघ गर्जनसहित हल्का वर्षाको सम्भावना रहेको छ ।