काठमाडौँ । काठमाडौँ आइपुगेका मिटरब्याजी पीडितहरूलाई महानगरले खुलामञ्च प्रवेशमा रोक लगाएको छ ।

सोमबार दिउँसो महोत्तरीको बर्दिबासबाट १३ दिन हिँडेर काठमाडौँ आइपुगेका पीडितहरू खुलामञ्च प्रवेश गर्न खोज्दा महानगरले अवरोध गरेको हो ।

महानगर प्रहरीले पीडितलाई अवरोध गरेपछि केहीबेर दुबै पक्षबिच धकेला धकेल भएको थियो ।
आफूहरूको घरजग्गा सबै गुम्ने अवस्थामा पुगेको र न्याय नपाएसम्म घर नफर्किने पीडित पलाश देवी महराको भनाई छ ।

‘हामी आफ्नो माग पुरा नभएसम्म फर्किँदैनौँ । यस्तो अन्यायपूर्ण वातावरण छ । हामी हेपिएका छौँ । खुलामञ्च जनताको जग्गा हो । हामीले यो प्रयोग गर्न पाउनुपर्छ । ’

उनीहरूले मिटरब्याजीलाई कारबाही गर, मिटरब्याजीको अवैध सम्पत्ति छानबिन गर, मिटरब्याज विरुद्ध कानुन निर्माण गर जस्ता प्लेकार्ड बोकेर प्रदर्शन गरेका छन् ।