काठमाडौं । आईएमई जनरल इन्स्योरेन्स र प्रुडेन्सियल इन्स्योरेन्स एक आपसमा मर्ज भएका छन् ।
बुधवार काठमाडौंमा एक कार्यक्रमका बीच औपचारिक रुपमा दुई निर्जीवन बीमा कम्पनीले समझदारी गरी ‘आईजीआई प्रुडेन्सियल इन्स्योरेन्सको’ नामबाट एकीकृत कारोबार थालनी गरेका हुन् ।

 

आईएमई जनरल र प्रुडेन्सियल इन्स्योरेन्सको मर्जर पाँचौं सफल मर्जर हो ।
नेपाल बीमा प्राधिकरणले बीमा aकम्पनीहरुलाई पुँजी वृद्धि गर्न निर्देशन दिएपछि १२ निर्जीवन बीमा कम्पनी ६ वटामा कायम हुने गरी मर्जर प्रक्रियामा सहभागी भएका थिए ।

मर्जर प्रक्रियामा सामेल भएका १२ मध्ये १० निर्जीवन कम्पनीले एकीकृत कारोबार थालनी गरेका छन् । अन्य २ कम्पनी मर्जर प्रक्रियामा छन् ।

मर्जर कार्यक्रमा नेपाल उद्योग बाणिज्य महासंघका अध्यक्ष चन्द्रप्रसाद ढकालले सेवाग्राहीहरुले ईन्सुरेन्सले पारदर्शी ढङगले सेवा दिदैन भन्ने हल्ला सुनेको भन्दै राम्रा कुरालाई लिएर अगाडि बढ्न आईजीआई प्रुडेन्सियललाई सुझाव दिए ।

उनले भने‘सेवाग्राहीहरुलाई पारदर्शी ढङगले ईन्सुरेन्सको सफाई पाईदैन भन्ने पनि सुनिन्छ । आईजीआई प्रुडेन्सियल इन्स्योरेन्सको मर्जर पछि राम्रो कुराहरुलाई लिएर अगाडि बढेस् । नराम्रो काम आजकै दिन देखि बन्द गरेर अरु ईन्सुरेन्स कम्पनीले पनि सिक्ने हिसाबको सन्देश लिएर जान सकोस् । ’

उनले कोभिडपछि पर्यटकहरु कम आउँने र रेमिटेन्स कम आउँने समस्याहरु अहिले कम भईसकेको बताए । ईन्डिकेटरहरु क्रमश रुपमा सुधार भएको र २५ प्रतिशतले रेमिटेन्स बढेको पनि उनले जानकारी दिए ।