काठमाडौं । राष्ट्रिय स्वतन्त्र पार्टीका सभापति रवि लामिछानेले, आफ्नो पार्टी जनतासंगका प्रतिवद्धताबाट आफ्नो दल विमुख नभएको जिकिर गरेका छन् ।

बिहीवार राष्ट्रिय स्वतन्त्र पार्टीकको पहिलो स्थापना दिवसको अवसरमा पार्टी कार्यालयमा पत्रकारले सोधेका प्रश्नको जवाफ दिदँै उनले सरकारमा गएको एकसय दिनमा विदेश पुगेका नेपाली स्वदेशमै फर्काउने प्रतिवद्धताप्रति पार्टी अझै प्रतिवद्ध रहेको बताए ।

‘हामीले सरकार चलाएको १०० दिनमा देश विदेशका चोक चोकमा नेपालमा नै जागिर छ भन्ने कुराको पोस्टर राख्ने प्रतिवद्धताबाट हामी विमुख भएका छैनौं ।’ उनले भने ।

पार्टीका लागि विधि, नीति, नियम र विचारहरुलाई आमनागरिक सम्म पु¥याउनु पर्ने गम्भिर चुनौती रहेको उनको भनाई छ ।

‘हाम्रो महत्वपुर्ण चुनौती भनेको आम नागरिकमा पुग्नु हो । र हाम्रो नीति विचारहरु र हामी कुन ढंगले अगाडी बढिरहेका छौं भन्ने आम नागरिकलाई बुझाउनु पर्ने छ।’

आफुहरु विधि विधान भन्दा बाहिर नजाने दाबी गरेका उनले भने ‘प्राथमीकताका कुराहरुलाई क्रमशः राखेर हामी अगाडी बढछौं । विधि र विधान भन्दा बाहिर जाने छैनौं । विधि भित्र रहेर सम्पुर्ण कुरालाईसंगै लियर जानेछौं । संसदमा हाम्रो उपस्थिती अझै मर्यादीत र प्रभावशाली हुन्छ ।’