अष्ट्रेलिया । शनिवार हुन गैरहेको एनआरएनए अष्ट्रेलियाको निर्वाचनमा विवाद देखिए पछि नेपाली कांग्रेस पार्टीले हस्तक्षेप गरेको छ । नेपाल कांग्रेस जनसम्पर्क समिति अष्ट्रेलियाले आधिकारिक रुपमा डिला राम खरेललाई एनआरएनए अष्ट्रेलियाको अध्यक्ष पदमा उठाउने निर्णय गरे अनिल पोखरेल समुहले विद्रोह गरेर अध्यक्ष सहित विभिन्न पदमा उम्मेदवारी दर्ता गरेको छ ।

कांग्रेसको विवाद समाधान गर्न जुम मार्फत आयोजना गरिएको जन सम्पर्क समितिको बैठकमा गुरुङले अनिल पोखरेललाई उम्मेदवारी फिर्ता लिएर आधिकारिक उम्मेदवारलाई सघाउन निर्देशन दिएका थिए ।

उनले यस अगाडिको उम्मेदवार छनौटको प्रक्रियाको स्मरण गराउदै सबैको सहमतिमा बनेको कार्यदलको बहुमतले खरेललाई उम्मेदवार बनाउन निर्णय गरेपछि त्यो निर्णयलाई पोखरेल समुहले पुर्व सहमति बमोजिम पालना गर्नै पर्ने बताए ।

आफ्ना कार्यकर्ताहरुलाई सम्बोधन गर्दै पार्टीका उपाध्यक्ष एवं कानूनमन्त्री समेत रहेका गुरुंगले डिला खरेल आफ्नो पार्टीको आधिकारिक उम्मेद्वार भएको भन्दै उनलाई जिताउन सबैलाई आह्वान गरेका छन् ।