काठमाडौं । नेपाली समाजमा नेपालीपनको झल्को दिने चलचित्र झमक बहादुरको निर्माण हुने भएको छ ।

गत शुक्रबार राजधानीमा आयोजित एक कार्यक्रममा नेपालीपनको झल्को दिने चलचित्र झमक बहादुर निर्माण गरिने जानकारी दिइएको हो ।

नेपाली समाजमा अझै पनि विकृतिका रुपमा रहेको धनी र गरिबबीचको द्धन्द्धलाई देखाउन खोजिएको झमक बहादुर चलचित्रलाई यूबी फिल्मस् ग्यालरीले निर्माण गर्न लागेको हो । चलचित्र झमक बहादुरमा खलनायकको भूमिकामा चर्चा कमाएका नायक अनुप बिक्रम शाही, मीन बहादुर तामाङ, यादव प्रसाद देवकोटा (सरापे), सुजाता थापा, कल्याण अधिकारी, नियोना गुरुङ, राजु कमेडी, प्रविण श्रेष्ठ र बाल कलाकार सुमिना दाहालको मुख्य भूमिका रहनेछ ।

काठमाडौँ र पोखरामा छायांकन हुने यो चलचित्रमा कथा–पटकथा राजेन भूजेलको छ । भोमन कटुवालकोे निर्देशन रहने यो चलचित्रलाई तारादेवी गुरुङ, आर्जन खड्का र जेनी रेग्मीले निर्माण गर्न लागेका हुन् ।