१८ असार, एजेन्सी –  टेनिसको प्रतिष्ठित च्याम्पियनशिप विंबलडनले ९० वर्षको यात्रा तय गरेको छ । यी वर्षमा धेरै घटनाहरु घटित भए जो खेलाडी र खेल प्रशंसकका लागि तिता मिठा यादको रुपमा ताजा छ । यसै क्रममा ब्रिटनेका पूर्व टेनिस खेलाडी र चर्चित कमेन्टेटर एन्ड्रयू केसलले पनि आफ्ना अविष्मरणीय यादहरु सार्वजनिक गरेका छन् ।

जब प्रशंसक भइन् नग्नः

सन् १९९६ मा रिचार्ड करेजिक र मालिवा वासिङ्टनका बिच फाइनल खेल भइरहेको थियो । शान्तीपूर्वक चलिरहेको उक्त खेलमा त्यतिबेला हलचल भयो जब एक नग्न महिला कोर्टमा आइन् । रोचक कुरा के छ भने वासिङ्टनले उक्त घटनालाई आफ्नो हारका लागि जिम्मेवार देखायो ।

जब भर्जिनिया वेड बनिन् च्याम्पियनः

एन्ड्रयूले सन् १९७७ को विंबलडनलाई पनि याद गरे । जब भर्जिनिया वेड सिंगल्समा उपाधी जित्ने पहिलो बेलायती महिला बनेकी थिइन् । उनी भन्छन्, ‘म त्यतिबेला १३ वर्षको थिएँ जब वेड च्याम्पियन बनिन् र मेरी आमा त्यतिबेला निकै नाच्नुभएको थियो ।’

एन्डी मरे बने च्याम्पियनः

सन् २०१३ मा एन्डी मरेले उपाधी जिते । सन् १९३६ मा फ्रेड पेरीपछि उनी पहिला व्यक्ति थिए जब एक बेलायती च्याम्पियन बने । उक्त घटनालाई पनि एन्ड्रयूले सम्झिँदै भने, ‘जब मरेले नोवाकलाई हराए, उक्त क्षण निकै अविष्मरणीय रह्यो ।’

चर्चित कमेन्टेटर हुन् एन्ड्रयूः

एन्ड्रयू केसल चर्चित प्रेजेन्टर हुन् । उनले बीबीसीका साथै एक सिरिजमा विंबलडनका थुप्रै याद सार्वजनिक गरेका छन् ।