फल, फूल,पात, हाँगा
सबै हुन्छ बीउ भित्र
फल,फूल,पात, हाँगा
सबै हुन्छ बीउ भित्र भिन्न

हुन् , सोचाइ,व्यवहार
तन्तु एउटै जीउ भित्र ।

फल हो, जीवन एउटा
फूल, पात, हाँगा फलाऊ
काम लाग्ने जति गोड
मल लाग्छ, अरु जलाऊ।

दिव्य देखाऊ, मुहारमा
त्यही हुन्छ,तिम्रो जुहार
आत्मा स्वच्छ बनाऊ सदा
देव भए , सुन्छन पुकार ।

शक्ति हुन्छ, शङ्कल्पमा
समय नि बुझिराख
मूर्तिमा त, के पो हुन्छ
सत्यलाई पूजी राख ।

आफ्नो जस्तै अर्को जीवन
बुझ्नै पर्छ , गुनी राख
गलत सही , छान आफू
वचन सबका सुनिराख ।

खानु हाम्रो खुशी हैन
शरीर बाच्न, खानै पर्छ
राख सधैं दिल सफा
एक दिन सबै जानै पर्छ

विचारमा श्रेष्ठ भए
जीवन आफैं सफा हुन्छ,
जिन्दगीका हर नियमका,
तिमीसँगै दफा हुन्छ ।

सृष्टि तिम्ले बदल्नलाई ,
दृष्टि पनि फेर्नु पर्छ
वस्तु मात्र देख्छन आँखा,
मनले पनि हेर्नुपर्छ ।

जीवन तिम्ले बदल्नलाई ,
विचार नै श्रेष्ठ बनाऊ
खुशी , शान्ति खोज्छौ भने
आफ्नो मनलाई आफैं मनाऊ ।।