२४ भदौ, काठमाडौं । आइएमई लाइफ इन्स्योरेन्स कम्पनी लिमिटेडले श्रीचन्द्र भट्टलाई प्रमुख कार्यकारी अधिकृत पदमा नियुक्त गरेको छ । भट्टले १९९८ देखि नेपाल इन्भेष्टमेन्ट बैंकबाट बैंकिङ्ग करियर शुरु गरी २०११ सम्मको समयावधिमा सहायक महाप्रबन्धक पदमा रही काम गरेको राम्रो अनुभव उहाँमा रहेको छ । त्यसपछि भट्टले ६ महिना मेघा बैंकमा नायब प्रमुख कार्यकारी अधिकृत पदमा रही काम गर्नुका साथै अन्य विभिन्न बैंक तथा वित्तय संस्था तथा इन्स्योरेन्स कम्पनीहरुमा पनि आवद्ध रहँदै आउनुभएको थियो भने उहाँसँग रेमिट टु नेपाल प्रा.लि.को प्रमुख कार्यकारी अधिकृत पदमा रही कार्यभार सम्हाल्नुभएको समेत राम्रो अनुभव छ ।
भट्टले आफुसँग रहेको अनुभवलाई प्रचुर रुपमा प्रयोग गरी कम्पनीलाई नयाँ आयाम दिई जीवन बीमा कम्पनीहरुमध्ये उत्कृष्ट स्थान हासिल गराउन आफ्नो सदैव प्रयासरत रहने कुरा कार्यकारी अधिकृत पदको सपथ ग्रहण पछि कम्पनीको सञ्चालक समिति समक्ष प्रतिबद्धता व्यक्त गर्नुभयो ।
यसैगरी कम्पनीलाई हालको स्थितिसम्म पु¥याउन सहयोग गर्ने नियमनकारी निकायहरु श्री बीमा समिति, कम्पनी रजिष्ट्रारको कार्यालय तथा कम्पनीको सञ्चालक समिति, संस्थापक शेयरधनीहरु, शुभचिन्तक लगायत कम्पनीको विभिन्न पदमा रही कार्य गर्नुहुने कर्मचारीहरुलाई समेत धन्यवाद दिँदै आगामी दिनमा पनि यस्तै सहयोगको अपेक्षा रहेको धारणा व्यक्त गर्नुभयो ।