प्रियंका र आयुशमान ‘स्वच्छ वातावरण महाअभियान’को अभियन्ता
Monday Feb 25, 2019
वि.सं.२०७५ फागुन १३ सोमवार ०८:०६
काठमाडौं, १३ फागुन । नायिका प्रियंंका कार्की र नायक आयुष्मान देशराज जोशी स्वच्छ वातावरण महाअभियानको अभियन्ताको रुपमा नियुक्त भएका छन् ।
वन तथा वातावरण मन्त्रालयको उनीहरुलाई स्वच्छ वातावरण महाअभियानको अभियन्ताको रुपमा नियुक्त गरेको हो ।
मन्त्रालयले उनीहरुलाई एक वर्षका लागि अभियान्ताको नियुक्ति दिएको हो । उनीहरुले देशभर स्वच्छ वातावरण बनाउको लागि जनचेतनाको कार्यक्रमहरु गनुपर्नेछ ।
केहि साताअघि मात्र सामाजिक काममा योगदान पुर्याउने उद्देश्यका साथ आयंका फाउन्डेसन दर्ता गरेका प्रियंका र आयुष्मान स्वच्छ वातावरण महाअभियानको अभियन्ताको रुपमा आफुलाई पाउँदा एकदमै खुशी लागेको बताए ।
साथै उनीहरुले आफुलाई दिइएको जिम्मेवारी निष्ठापूर्वक सम्पन्न गर्ने प्रतिवद्धता समेत व्यक्त गरेका छन्।
