काठमाडौं – पर्यटक र ठमेल एक अर्काका पर्यायबाची शब्दका रुपमा दूरदराज देखि शहरिया घरानाका नेपालीले बुझ्ने र जान्ने शब्दका रुपमा पछिल्ला दिनमा स्थापित बनेको छ। ठमेल पर्यटक ओईरिने स्थलका रुपमा परिचित मात्र छैन स्थापित नै छ। बिदेशी पर्यटकले पनि ठमेललाई सिंगो नेपालको रुपमा चिन्छन। हो केही दिन यता वाट नेपाल भ्रमण वर्ष २०२० लाई लक्षित गरी ठमेल विकाश परिषदको नेतृत्वमा ठमेल अनुगमन गर्न थालिएको छ । ठमेललाई साच्चिकै ठमेल बनाउन र सिंगो नेपालको सभ्य परिचय दिन परिषद्का महासचिव ध्रुब अधिकारी पछिल्ला दिनमा हमेशा खटिएका छन् । जसको पछिल्लो उदाहरण ‘सुन्दर ठमेल सुरक्षित ठमेल’ बनाउने अभियान अनुसार आइतवार राति उनै अधिकारीको बिशेष पहल र सक्रियतामा अनुगमन गरिएको हो ।

परिषदका अध्यक्ष प्रकाश राणाको नेतृत्वमा अधिकारीको पहलकदमीमा गएको अनुगमन टोलीले ठमेलको रात्री जीवनको अनुगमन गर्दै सुधार गर्नु पर्ने बिषयको टुंगो लगाएको बुझिएको छ। अनुगमनपछि टोलीले सडक बालबालिकालाई व्यवस्थापन गरेर ठमेलको पहिचानलाई थप मजबुत पार्ने अधिकारीले बताए। टोलीमा अध्यक्ष राणा, उपाध्यक्ष राजु मान डंगोल, महासचिव अधिकारी, स्रोहखुट्टे प्रहरी वृत्तका प्रहरी, दरबारमार्ग प्रहरी वृतका प्रहरीलगायत सहभागी भएका थिए । टोलीले फुटफाट व्यापार, अव्यवस्थित पार्किङ, तेस्रो लिंगीहहरुलाई ठमेलबाट हटाउने र उचित व्यवस्थापन गर्ने महासचिव अधिकारीले छुट्टै योजना बनाएको र सोही योजना बमोजिम ब्यबस्थापन हुने परिषद श्रोतले बताएको छ । नेकपाका युवा नेता समेत रहेका पर्यटन व्यवसायी अधिकारी पर्यटन क्षेत्र सुधार र ठमेललाई नेपालको सिंगो अस्तित्व विश्वमा परिचित गराउने अभियानका महारथीका रुपमा ठमेलमा चिनिदै आएका छन्। ठमेलका पर्यटन ब्यबसायी मात्र नभएर बिदेशी पर्यटकले समेत उनको प्रसंशा गर्ने गरेको बुझिएको छ।