७६काठमाडौं काठमाडौं,२१ माघ: चीनमा कोरोना भाइरसका कारण मृत्यु हुनेको संख्या ४ सय २५ जना पुगेको छ । अहिलेसम्म २० हजार बढी चिनियाँमा कोरोनाभाइरस देखिएको छ । १५ जना हङकङ र ८ जना मकाउमा पनि यो भाइरस देखिएको छ । त्यसैगरी ताइवानमा पनि १० जनालाई संक्रमण भएको पाइएको छ ।

चीनमा उपचारपछि ६ सय ३२ जना अस्पतालबाट फर्किएका छन् । यसैबीच चीनको वुहान क्षेत्रमा रहेका १ सय ८० नेपालीलाई फर्काइने भएको छ । चीनबाट फर्काएर उनीहरुलाई १४ दिन क्वारेन्टाइनमा राखिने भएको छ । सम्पूर्ण प्रक्रिया पूरा गरेर केहीदिनभित्रै उनीहरुलाई नेपाल ल्याउने तयारी गरिएको छ ।

स्वास्थ्य मन्त्रालयले दिएको जानकारी अनुसार कोरोना भाइरस फैलिएको क्षेत्र वुहानबाट ६२ जना नेपाली विद्यार्थी स्वेदश फर्किन चाहेका छन् भने अन्य हुबेइसहित अन्य प्रान्तबाट गरी जम्मा १ सय ८० विद्यार्थी फर्किन चाहेका छन् । संक्रामक रोगको विस्तार कम गर्न क्वारेन्टाइनमा राख्न लागिएको हो । यहाँ राखेकाहरुलाई बाहिरी व्यक्तिसँग भेट गर्न भने दिइने छैन ।