पूर्व–पश्चिम राजमार्गस्थित बाराको पथलैया क्षेत्रमा पर्ने पर्सा राष्ट्रिय निकुञ्जभित्र सडकमा जथाभावी सवारी चलाउँदा शुक्रबार एउटा पाटे बाघको निधन भयो ।
यसरी पाटे बाघलाई गाडीको ठक्कर दिएर मार्ने व्यक्तिको पहिचान खुलेको छ ।
उनी हाइप्रोफाइलवाला बैंकको सिइओ रहेको खुलासा भएको छ । उक्त घटनामा सम्लग्न रहेका व्यक्तिलाई प्रहरीले पक्राउ गरेपनि उनी को हुन् भन्नेबारे भने गोप्य राखेको थियो । तर, उनी को हुन् भन्ने तथ्य खुलेको छ । सडकमै बाघको मृत्यु हुने गरी सवारीमा हुँइकिने व्यक्ति अरु कोही नभएर बसन्त चौधरी मालिक अध्यक्ष रहेको युनाइटेड फाइनान्स लिमिटेडका सिइओ अजय मिश्र हुन् ।
गत शुक्रबार दिउँसो बाराको पथलैयास्थित पर्सा राष्ट्रिय निकुञ्जभित्र पूर्व पश्चिम राजमार्गमा सवारी दुर्घटनामा परी सडकमै बाघ मरेपछि युनाइटेड फाइनान्सका प्रमुख कार्यकारी अधिकृत सीइओ अजय मिश्र प्रहरीको फन्दामा परेका छन् । कार्यालयको कामको सिलसिलामा व्यस्त राजमार्गमा गुडिरहेको मिश्रको सवारी साधनसँग ठोक्किएपछि अकस्मात जम्काभेट भएको बाघ सडकमै ढलेको बताइन्छ ।

उनी सवार गाडी सडकमा आवश्यकता भन्दा बढि स्पिडमा गाडी हुँईक्याएका कारण बाघको मृत्यु भएको पाइएको छ । प्रहरीले मिश्रलाई ५ दिनसम्म हिरासतमा राख्न जिल्ला अदालतबाट अनुमति लिएको छ ।

शुक्रबार जंगलबाट राजमार्ग छिचोल्दै गरेको पाटेबाघलाई बा १६ च ८११ नम्बरको कारले बिहान सवा ७ बजे ठक्कर दिएको हो । कारको ठक्करबाट बाघको घटनास्थलमै मृत्यु भएको थियो ।