काठमाडौं । एक बैंकको कार्ड अर्को बैंकको एटिएममा प्रयोग गर्दा सेवा शुल्क लाग्ने भएको छ। कोरानाको असरका कारण गत चैत महिनादेखि अन्तर बैंक एटिएम कारोबारमा बैंकहरुले निशुल्क गरेका थिए । शुल्क भने प्रति कारोबार २० रुपैंयाँ भन्दा बढि लिन नपाउने व्यवस्था गर्न राष्ट्र बैंकको निर्देशन छ ।
नेपाल राष्ट्र बैंकले आज एक निर्देशन जारी गर्दै यस्तो नियम माघ १ देखि लागू हुने बताएको हो ।

राष्ट्र बैंकका अनुसार अन्तर बैंक एटिएम कारोबारमा शुल्क लिन पाउने व्यवस्था गरेको छ । तर, कसैले अन्तर बैंकमाकार्ड प्रयोग गर्दा भने निशुल्क गर्ने व्यवस्था मिलाउन बैंक वित्त क्षेत्रलाई निर्देशन दिएको छ।

कार्ड प्रयोग बापत शुल्कको अधिकतम सीमा प्रतिकारोबार २० रुपैयाँ तोकेको यो पहिलो पटक हो । यस भन्दा अघि अधिकतम शुल्क तोकिएको थिएन। त्यस्तै बैंकहरुले मोबाइल बैंकिङ, एसएमएस बैंकिङ जस्ता विद्युतीय बैंकिङ सेवा वापतको शुल्कबारे ग्राहकलाई जानकारी दिएर मात्रै लिने व्यवस्था गर्न राष्ट्र बैंकको निर्देशन छ ।

यस अघि यस्ता विभिन्न बैंकीङ शुल्कमा मनलाग्दी लिएको सवैसाधरणहरुको गुनासो थियो । त्यस्तै, निर्देशन अनुसार विद्युतिय कारोबार मा प्रयाप्त जानकारी गराएर मात्र शुल्क काट्न भनेको छ ।