वीरगञ्ज ।  वीरगञ्ज महानगरपालिका द्वारा पर्साका प्रहरी उपनिरीक्षक गंगा पन्तलाई बिदाइ ताथा सम्मान गरिएको छ । कोभिड महामारीको बेलामा कोरोना संक्रमण नियन्त्रण र रोकथाममा अग्रमोर्चामा रहेर आम नागरिकको जीवन रक्षाका लागिग वीरगन्ज महानगरपालिकाकासँग सम्वयकारी भूमिका खेल्नुभएको र आइसोलेसन व्यावस्थापन, सामुदायिक परीक्षण तथा अस्पतालहरुमा संक्रमितलाई पुर्याउने काममा समेत खेल्नुभएको महत्वपूर्ण भूमिकाको उच्च सम्मान गर्दै उहाँलाई महानगरपालिकाको तर्फबाट सम्मान गरिएको हो ।

प्रहरी उपरीक्षक पन्तलाई आज महानगरपालिका प्रमुख विजय कुमार सरावगीले सम्मान पत्र सहित विदाई गर्नुभएको हो । महानगरपालिकामै आयोजना गरिएको कार्यक्रममा प्रहरी उपरीक्षक पन्तलाई दोसल्ला ओढाएर सम्मान पत्र सहित महानगरपालिकाका नगर प्रमुख सरावगीले विदाई गर्नुभएको हो । कार्यक्रममा महानगरपालिकाकी उपप्रमुख शान्ति कार्की, प्रमुख प्रशासकीय अधिकृत प्रदीप कुमार निरौला लगायतको उपस्थिति रहेको थियो ।