काठमाडौं । साताको अन्तिम कारोवार दिन पनि नेप्से बढेर नै रोकिएको छ । नेप्से बिहिबार १५ दसमलव ९१ अंकले बढेर २१ सय ९४ दसमलव ४८ बिन्दुमा चढेकोमा सेन्सिटिभ पनि तीन दसमलव आठ अंकले बढेर चार सय २१ दसमलव २२ बिन्दुमा चढेको छ । दुई सय आठ वटा कम्पनीहरुको ५० हजार नौ सय ३३ पटकको कारोवारमा एक करोड १७ लाख ६७ हजार चार सय ९२ कित्ता सेयर खरिद बिक्री भएकाछन् । उक्त परिमाणमा सेयर किनबेच हुंदा कारोवार रकम पाँच अर्ब ८७ करोड ४७ लाख आठ हजार दुई सय ७९ रुपैयाँ पुगेको छ ।

नेप्सेमा बिहीबार १२ वटा समुहको कारोवार भएकाछन् । सो मध्ये अन्य समुहको सुचक घटेकाछन् भने बाँकी समुहको सुचक बढेकाछन् । सो मध्ये बाँणिज्य बैंक समुहको सुचक १३ दसमलव चार अंकले बढेर १६ सय ६० दसमलव ५५ बिन्दुमा चढेकोमा जलबिद्युत समुहको सुचक पनि १० दसमलव ६४ अंकले बढेर १६ सय ७२ दसमालव १९ बिन्दुमा चढेको छ । बिकास बैंक, लघुबित्त, निर्जिवन बीमा, जीवन बीमा, ट्रेडिङ, होटल, फाईनान्स, उत्पादनमुलक र सामुहिक लगानी कोष समुहको सुचक पनि बढेकाछन् ।

बिहीबार बढी कमाउने कम्पनीहरुको सुचीमा पहिलो स्थानमा परेको मल्टीपर्पोस फिनान्सको प्रतिकित्ता सेयर मुल्य १० प्रतिसतले बढेर एक सय ६५ रुपैयाँमा कारोवार भएको छ भने बढी गुमाउने कम्पनीहरुको सुचीमा पहिलो स्थानमा परेको एभरेष्ट बैंकको कन्र्भटेवल प्रिफरेन्सको प्रतिकित्ता सेयर मुल्य तीन दसमलव ८१ प्रतिसतले घटेर सात सय छ रुपैयाँमा कारोवार भएको छ । यसैगरी बढी रकम कारोवारका आधारमा पहिलो स्थानमा परेको प्रभु बैंकको प्रतिकित्ता तीन सय ८७ रुपैयाँ अन्तिम मुल्यमा ३१ करोड ७१ लाख ३६ हजार २७ रुपैयाँको सेयर किनबेच भएको छ ।