काठमाडौं । बैंक तथा वित्तीय संस्थाको सुपरिवेक्षणमा अब चार्टर्ड एकाउन्टेन्टको सहभागिता अनिवार्य हुने भएको छ । नेपाल राष्ट्र बैंकले बैंक तथा वित्तीय संस्थाको ‘ब्राञ्च अडिटिङ’सम्बन्धी कार्यविधि बनाएर यस्तो व्यवस्था गर्न लागेको हो । नमूना संकलन विधिबाट गरिएको सुपरिवेक्षण प्रभावकारी नभएको भन्दै बैंक तथा वित्तीय संस्थाको प्रत्येक शाखाको अडिट गर्नुपर्ने सो कार्यविधिमा प्रस्ताव गरिएको छ ।

नेपाल राष्ट्र बैंकले तयार पारेको उक्त प्रस्ताव यतिबेला रायका लागि चार्टर्ड एकाउन्टेन्ट संस्था ९आईक्यान० र नेपाल लेखामान बोर्डमा पठाइएको छ । त्यहाँबाट राय प्राप्त भएपछि त्यसलाई समेत समेटेर राष्ट्र बैंक सञ्चालक समितिले यसलाई जारी गर्नेछ । कार्यविधि जारी भएपछि बैंक तथा वित्तीय संस्थाले महँगो शुल्क तिरेर आफ्ना शाखाहरुको अडिट गर्नुपर्छ ।