दशैं नजिकिए सँगै विराटनगरदेखि काठमाडौं चल्ने ‘बुलेट एसी’ बस संचालनमा,बस भित्रै शौचालयको सुविधा
Tuesday Sep 21, 2021
वि.सं.२०७८ असोज ५ मंगलवार १७:०३
काठमाडौं । दशैं नजिकिए सँगै विराटनगरदेखि काठमाडौं चल्ने ‘बुलेट एसी’ बस संचालनमा आएको छ । विराटनगर सहित प्रदेश १ को धरान र काकडभिट्टाबाट काठमाडौँका लागि बुलेट एसी बसले सेवा दिने संचालक सरोज न्यौपाने र उमेश खड्काले बताएका छन् ।
बुलेट बस प्रा।लि।मार्फत हाल सातवटा बस संचालनमा आएका छन् । विराटनगर–काठमाडौंका लागि सुविधा सम्पन्न बुलेट एसी बस संचालनमा आएका हो । बुलेट एसीले देशभरका सात सहरका लागि काठमाडौंदेखि यो बस सञ्चालन गर्ने भएको छ । विराटनगर–काठमाडौंको लागि १ हजार ७ सय ५५ रुपैयाँ पर्ने बुलेट बसको यात्रा भाडालाई दशैं अफरका रुपमा एक हजार ५०० रुपैयाँ कायम गरिएको छ ।
भाइकिङ्ग बस भएका कारण यस बुलेट एसी बसको सिट क्षमता ३९ रहेको छ । यसका सवार यात्रुका लागि कम्पनिले प्राथमिक स्वास्थ्य उपचारका लागि प्रयोग गरिने स्वास्थ्य किट उपलब्ध गराउने छ । कोरोना संक्रमणको जोखिम न्यूनीकरणका लागि आवश्यक पर्ने सामाग्री किटमा समावेश गरिएको हुन्छ । किट उपलब्ध गराए वापत यात्रुले छुट्टै रकम बुझाउनु पर्ने छैन । किटमा पानी, ग्लोब्स, मास्क र केहि रुघाखोकी लाग्दा सेवन गर्ने औषधीहरु समावेश गरिने छ ।
१० करोड ५० लाखको लागतमा संचालनमा ल्याईएको बुलेट बसमा हवाई जहाजको जतिकै सुबिधा रहेको दाबी गरिएको छ । यात्राको लागि यात्रुले अनलाईन तथा बुकिङ काउन्टरबाट टिकट लिन पाउने ब्यवस्था गरिएको छ । बुलेट बस सञ्चालक समुहले २७ सिटर बस २र१ सोफा लक्जरि सिट सहितको बसहरु संचालनको तयारी समेत गरेको छ । त्यसमा भने शौचालयको सुविधा बस भित्रै हुनेछ ।