एभरेष्ट बैंकको साधरणसभामा शेयरधनीहरुले व्यापक असन्तृष्टी पोखेका छन् । एभरेष्ट बैंकले आज २७ औं बार्षिक साधरणसभा डाकेको थियो । साधरणसभा बैकके केन्द्रीय कार्यालय,लाजिम्पाटमा डाकिएको थियो । बैंकले शेयरधनीहरुलाई जम्मा १० दशमलव ३२ प्रतिशत मात्र बोनस दिएपछि शेयरधनीहरु आक्रोशित भएका हुन । बैंकले ६ प्रतिशत बोनश शेयर र कर प्रयोजनका लागि ४.३२ प्रतिशत नगद लाभांश गरि कुल १० दशमलव ३२ प्रतिशत लाभांश मात्र वितरण गर्न लागेकोमा लगानीकर्ताहरुले नपुग भएको भन्दै साधारणसभामै हंगामा मच्चाएका हुन् ।

अन्य बाणिज्य बैंकहरुले शेयरधनीहरुलाई २० देखि ३० प्रतिशत लाभांश वितरण गरिरहेको अबस्थामा एभरेष्ट वैंकले १० दशमलव ३२ प्रतिशत मात्र दिने भएपछि लगानीकर्ताहरु आक्रोशित बनेका हुन ।
साधारणसभामा लगानीकर्ताहरुले बैंकमा अनियमितता भएको, राम्रो व्यवसाय गर्न नसकेकोले भन्दै सिईओ तथा अध्यक्षको राजीनामा समेत माग गरेका छन् ।

भारतको पञ्जाब नेशनल बैंकको मुख्य लगानी रहेको एभरेष्ट बैंकका सञ्चालकमा डा बालगोपाल बैद्य,अध्यक्षमा बिष्णु कृष्ण श्रेष्ठ,नायब महाप्रवन्धकमा गौरब कुमार,अरुणमान शेरचन,नविन भक्त श्रेष्ठ,उर्मिला श्रेष्ठहरु सञ्चालक रहेको सो बैंकमा पञ्चाव नेशनल बैंकबाट अनिल बन्सल सञ्चालक छन् ।

शेयरधनीहरुले बार्षिक साधरणसभामा मञ्चबाटै सञ्चालक र अध्यक्षको राजीनामा मागेका हुन ।