इटहरी । कजारिया रमेश टायल्स लिमिटेडले कोशी प्रदेशमा आफ्नो बजार विस्तार गर्दै सुनसरीको इटहरी–हल्गडामा नयाँ विशेष शोरूम सञ्चालनमा ल्याएको छ।

ए–क्लास मार्बल्स एण्ड टायल्ससँगको सहकार्यमा सञ्चालनमा आएको आधुनिक शोरूमको उद्घाटन असार २४ गते कजारिया रमेश टायल्सका निर्देशक हिमांशु अग्रवाल र मिस नेपाल कस्मो २०२५ दीपशिखा नेपालले संयुक्त रूपमा गरेका हुन्।

कम्पनीका अनुसार नयाँ शोरूममार्फत स्थानीय घरधनी, निर्माण व्यवसायी, आर्किटेक्ट तथा इन्टेरियर डिजाइनरलाई विश्वस्तरीय फ्लोर र वाल टायल्सका विभिन्न डिजाइन तथा विकल्प सहज रूपमा उपलब्ध गराइनेछ।

आधुनिक तथा ग्राहकमैत्री ढंगले डिजाइन गरिएको शोरूममा ग्राहकहरूले विभिन्न डिजाइन, प्याटर्न र फिनिसिङका टायल्स प्रत्यक्ष अवलोकन तथा अनुभव गरी आफ्नो घर वा व्यावसायिक परियोजनाका लागि उपयुक्त उत्पादन छनोट गर्न सक्ने कम्पनीले जनाएको छ।

उद्घाटन समारोहमा कम्पनीका प्रतिनिधिले ए–क्लास मार्बल्स एण्ड टायल्ससँगको सहकार्यले इटहरी तथा आसपासका तीव्र रूपमा विकास भइरहेका क्षेत्रमा उच्च गुणस्तरीय टायलिङ समाधान उपलब्ध गराउने प्रतिबद्धतालाई थप मजबुत बनाएको बताए। विश्वस्तरीय डिजाइन स्थानीय बजारमै उपलब्ध गराएर घर निर्माण तथा पुनःनिर्माण गर्ने ग्राहकलाई सहज सेवा प्रदान गर्ने उद्देश्य रहेको कम्पनीको भनाइ छ।

हाल सर्वसाधारणका लागि खुला गरिएको शोरूममा इटहरी तथा आसपासका क्षेत्रका उपभोक्तालाई नयाँ टायल्स कलेक्सन अवलोकन गर्न कम्पनीले आग्रह गरेको छ।

कजारिया रमेश टायल्स लिमिटेडले नेपालमै ठूलो टायल उत्पादन उद्योग सञ्चालन गर्दै आएको दाबी गरेको छ। कम्पनीका अनुसार यसले सुपरब्राण्ड २०२५, ‘एशियाज् मोस्ट प्रमिसिङ ब्रान्ड’ लगायतका अन्तर्राष्ट्रिय मान्यता प्राप्त गरेको छ भने आईएसओ ९००१:२०१५ र आईएसओ १४००१:२०१५ प्रमाणीकरणसमेत हासिल गरेको छ।

कम्पनीले ३ हजारभन्दा बढी आधुनिक डिजाइनका टायल्स बजारमा उपलब्ध गराउँदै आएको जनाएको छ। हाल नेपालभर १०० भन्दा बढी शोरूममार्फत सेवा प्रदान गरिरहेको कम्पनीको उत्पादन पोर्टफोलियोमा ग्लेज्ड भिट्रिफाइड टायल्स, सेरामिक वाल टायल्स तथा हेभी–ड्युटी भिट्रिफाइड टायल्सलगायतका उत्पादन समावेश छन्।