मकवानपुरको इन्द्रसरोबर गाउँपालिकाको अध्यक्षमा एमालेका पुडासैनी विजयी
Monday May 16, 2022
वि.सं.२०७९ जेठ २ सोमवार ०९:१४
हेटौंडा । मकवानपुरको इन्द्रसरोबर गाउँपालिकाको अध्यक्षमा नेकपा एमालेका उम्मेद्वार देव कृष्ण पुडासैनी शर्मा विजयी भएका छन् ।
एमालेका पुडासैनीले ३ हजार ७२२ मत ल्याउँदै गाउँपालिकाको अध्यक्षमा निर्वाचित भएका हुन् । उनका प्रतिस्पर्धी नेपाली कांग्रेसका विश्व लाल लामाले ३ हजार ४७२ मत ल्याए ।
यसैगरि,उपाध्यक्षमा पनि एमालेको उम्मेद्वार उमा कुमारी लामा विजयी भएकी छन् । उनले ३ हजार ७२५ मत ल्याउँदै उपाध्यक्षमा निर्वाचित भएकी हुन् । उनको प्रतिस्पर्धी निर्मला रुम्बाले ३ हजार ६५६ मत ल्याईन् ।
यसैगरि,इन्द्रसरोबरको ५ वडाहरुमा ३ वटा वडामा नेपाली कांग्रेस र २ वटा वडामा नेकपा एमाले विजयी भएको छ ।
यसअघि,२०७४ मा भएको स्थानीय तहमा पनि इन्द्रसरोबरमा अध्यक्ष र उपाध्यक्षमा नेकपा एमालेका उम्मेद्वार विजयी भएका थिए ।
