काठमाडौं । हिमालयन जनरल र एभरेष्ट इन्स्योरेन्स लिमिटेडले यहि साउन १ गतेदेखि एकीकृत कारोबार सुरु गर्दैछन् ।

एकीकृत कारोबार सुरु हुनुअघि नै हिमालयन एभरेष्ट इन्स्योरेन्स कम्पनीले कम्पनीको नयाँ लोगो सार्वजनिक गरेको छ । तर कम्पनीले आधिकारीक रुपमा भने लोगो सार्वजनिक भने गरेको छैन । कम्पनीले हाल सार्वजनिक गरेको नयाँ लोगोमा दुई हिमालको चित्र र दुई रङको इन्द्रेणीको सिम्बोल देखाइएको छ ।

कम्पनीले साउन १ गते बिहान ९ः३० मा काठमाडौं दरबारमार्गस्थित होटल याक एण्ड यतिमा बीमा समितिका अध्यक्ष सूर्य प्रसाद सिलवालको प्रमुख आतिथ्यतामा लोगो सार्वजनिक गर्ने जनाएको छ ।

यी दुवै कम्पनीले सम्पूर्ण वित्तीय विवरणहरु एकीकृत गरेसँगै मर्जरपछि बन्ने नयाँ कम्पनीको लोगो सार्वजनिक गरेको हो । यद्यपी यो नयाँ लोगो हेरफेर समेत हुन सक्नेछ ।