काठमाडौँ । सेञ्चुरी बैंकका ग्राहकले चितवनमा रहेको जंगल भिल्ला रिसोर्ट र काठमाडौँमा रहेको त्रिसारा रिसोर्टको सेवामा छुट पाउने चएका छन् ।

सेञ्चुरी कमर्सियल बैंक लिमिटेड र जंगल भिल्ला रिसोर्ट, चितवन तथा त्रिसारा, काठमाडौँबीच बैंकका ग्राहकलाई विशेष छुट प्रदान गर्ने समझदारी भएको हो ।

बैंकको डेबिट कार्ड र क्रेडिट कार्डवाहक, मोबाइल बैंकिङ्ग प्रयोगकर्ता, सम्पूर्ण ग्राहकवर्गहरु तथा बैकका कर्मचारीलाई जंगल भिल्ला रिसोर्ट, चितवन र त्रिसारा, काठमाडौँमा छुट प्रदान गर्ने गरी सम्झौता भएको हो ।

जंगल भिल्ला रिसोर्ट, चितवनमा एकोमोडेशन शुल्कमा १५ प्रतिशत छुट प्रदान गर्ने गरी सम्झौता भएको छ । सम्झौतापत्रमा बैंकको तर्फबाट प्रमुख बजार अधिकृत अनुपमा श्रेष्ठ मानन्धर र जंगल भिल्ला रिसोर्टका तर्फबाट बजार प्रमूख सुहानी गिरिले हस्ताक्षर गरेका छन् ।

साथै त्रिसारा काठमाडौँमा १० प्रतिशत छुट प्रदान गर्ने गरी सम्झौता भएको छ । उक्त छुट त्रिसरा, पेरोस पिज्जा र त्रिसारा– द बेकिङ्ग फ्याक्ट्रीमा समेत उपलब्ध हुने जनाइएको छ ।

उक्त सम्झौतापत्रमा बैंकका प्रमुख बजार अधिकृत अनुपमा श्रेष्ठ मानन्धर र त्रिसारा काठमाडौँका प्रबन्ध निर्देशक शोभनवीर मालाकारले हस्ताक्षर गरेका छन् ।

सेञ्चुरी कमर्सियल बैंक लिमिटेडका १४७ शाखा, १० एक्सटेन्सन काउण्टर, २४ शाखारहित बैंकिङ्ग र ११५ वटा एटिएम मार्फत वित्तीय सेवा प्रदान गर्दै आएको छ ।