काठमाडौ । बुढानिलकण्ठ नगरपालिकाले सुरु गरेको कृषि मेला आज समापन हुने भएको छ । नगरपालिकाले बुढानिलकण्ठ मन्दिर परिसरमा शुक्रवारबाट कृषि मेला सुरु गरेको थियो ।

कृषि मेलामा ७४ ‘स्टल’ राखिएका थिए । ‘स्टल’मा नगरपालिकाका कृषकले उत्पादन गरेका घरेलु औठी, जुत्ता, गुन्द्रुक ,मकै, तरकारी, साग ,काउली ,फुल लगायतका कृषि सामाग्रि राखिएका थिए । त्यस बाहेक स्थानीय तहमा उत्पादन भएका धागो, फुर्का, काँटा, लत्तकपडा, च्याउका परिकार, खुर्सानी तथा बंगुरका अचार पनि ‘स्टल’मा राखिएका छन् । महिलाका लागि आवश्यक श्रृङ्गारका सामाग्रि पनि पनि मेलामा प्रदर्शनका लागि राखिएका छन् । मेलामा पाँच हजार भन्दा स्थानीय सहभागि भएको मेला व्यवस्थापन समितिका सञ्चार संयोजक लक्ष्मण शर्माले बताए ।

उनले भने,‘दुई दिने कृषि मेला आज समापन हुँदैछ । मेलामा नगरपालिकाका कृषकले उत्पादन गरेका कृषि उत्पादन राखिएका छन् । उत्पादनका लागि ७२ ‘स्टल’ राखिएका थिए । मेलामा हालसम्म पाँच हजारभन्दा धेरै स्थानीय सहभागि भइसकेका छन् ।’
कृषि मेलामा बुढानीलकण्ठ नगरपालिकाका मेयर मिठाराम अधिकारी, उपमेयर अनिता लामा लगायतका स्थानीय जनप्रतिनिधि सहभागि थिए । मेला बिहान १० बजेवाट सुरु भएर साँझ ५ बजेसम्म चल्नेछ ।