काठमाडौँ । नेपाली काँग्रेसका उपसभापति धनराज गुरुङले, रेमिट्यान्सको पैसाले गला भरी माला लगाउने नेता रहुन्जेल देश विकासको कल्पना गर्न नसकिने टिप्पणी गरेका छन् ।

मङ्गलवार ललितपुरमा आयोजित नेपाल शिक्षक सङ्घ जिल्ला कार्यसमितिको नवौँ जिल्ला अधिवेशनलाई सम्बोधन गदै उनले जवान युवाहरूलाई खाडीतिर पठाउने र उनीहरूले नै पठाएको रेमिटेन्सबाट माला आयात गरेर गला भरी लगाउने नेताहरू भएसम्म देश बन्न नसक्ने टिप्पणी गरेका हुन् ।

उनले भने ‘नौ जवान युवाहरूलाई खाडीतिर पठाउने उनीहरूले नै पठाएको रेमिटेन्सबाट माला आयात गरेर गला भरी माला लगाउने नेताहरू भएसम्म कसरी बन्छ देश रु देश बरबाद भयो झन्डै श्रीलङका, पाकिस्तान जस्तो हुने हो कि त्यति भन्न नेता बन्ने हो रुयति भन्न त एउटा विद्यार्थीलाई उठेर भन बाबु भने भनिहाल्छ नि । मुलुक चलाउन पहिला प्रधानमन्त्री सुध्रिनुपर्छ त्यसपछि मन्त्रीहरू ठिक हुनुपर्छ । एउटा प्रधानाध्यापक बिग्रियो भने विद्यालय बिग्रिन्छ । ’

मुलुक चलाउन पहिला प्रधानमन्त्री र मन्त्रीहरू सुध्रिनुपर्ने उनको भनाई छ ।
एउटा नेता बिग्रियो भने पूरै देश बिग्रिने भन्दै मुलुकलाई छिटो रूपान्तरण गर्छौ भन्नेहरू पहिला आफू परिवर्तन हुन आवश्यक रहेको उनले बताए । ।