काठमाडौं । नेको इन्स्योरेन्स लिमिटेडले आर्थिक वर्ष २०७९।८० को चैत मसान्तसम्ममा १ अर्ब २७ करोड रुपैयाँ दावी भुक्तानी गरेको छ । चैत मसान्तसम्ममा करिब ७० प्रतिशत दावी भुक्तानी गर्न कम्पनी सफल भएको हो ।

कम्पनीले विगत २७ वर्ष देखि गुणस्तरीय सेवा पुयाउँदै आएको विदितै छ । छिटो छरितो दाबी भुक्तानी नै कम्पनीको व्यवसाय तथा साख वृद्धिको मुल मन्त्र मान्दै आएको यस कम्पनीले दाबी भुक्तानीमा अपनाएको गुणस्तरीय सेवाले आफ्ना ग्राहकको मन जितेको कम्पनीले जनाएको छ ।

निरन्तर कम्पनीको व्यवसायको आकार बढ्नु ग्राहक सन्तुष्टिको प्रमाणको रुपमा लिएको जनाएको छ । छिटो छरितो दाबी भुक्तानी होस भनेर विगत ५ वर्ष देखि कम्पनीले (ठाउँको ठाउँ भुक्तानी) मार्फत दाबी भुक्तानी गर्दै आएको छ र उक्त प्रकृयालाई अझै परिस्कृत गरिदै लगिने कुरामा हामी ग्राहक महानुभाव, नियामक निकाय, शेयरधनी तथा सम्बन्धीत सबैलाई विश्वास दिलाउन कम्पनीले चाहेको छ ।

कम्पनीले आर्थिक वर्ष २०७९८० को प्रारम्भमा ३९७३ दाबीहरु तिर्न बाँकी थिए । यस आर्थिक वर्षको चैत्र मसान्त सम्म थपिएको दाबी सहित कम्पनीले चैत्र मसान्त सम्म करीब ७०% दाबी भुक्तानी गरिसकेको छ । कम्पनीबाट भुक्तानी भएका दाबीहरु मध्ये कृषिसँग सम्बन्धीत मात्रै २,२३० दाबीको कुल १० करोड २ लाख रुपैयाँ भन्दा बढीको दाबी रकम भुक्तानी गरिएको छ ।

आर्थिक वर्षको अन्तसम्ममा थप दाबी भुक्तानी भई भुक्तानी हुन बाँकी दाबीको संख्यालाई घटाउने जानकारी गराएको छ । दाबी परेका र कागजात पुरा भएका दाबीहरुको यथाशीघ्र भुक्तानी दिने निति यस कम्पनीले लिएकोले सम्पूर्ण दाबीकर्ता बीमितहरुलाई यथासक्य छिटो कागजात पेश गरी दाबी भुक्तानी लिनुहुन हार्दिक अनुरोध गरेको छ । समयमा दाबी तिर्नुपर्छ भन्ने कुरामा कम्पनी सचेत रहेको छ ।