काठमाडौं । पूर्व अर्थमन्त्री युवराज खतिवडाले, अर्थतन्त्रको वर्तमान अवस्थालाई हेर्दा मुलुक अप्ठ्यारोमा रहेको बताएका छन् ।
ललितपुरमा आज आयोजित अन्र्तक्रिया कार्यक्रममा उनले मुलुक अप्ठ्यारोमा छ , यो दल त्यो दल नभनी एकै ठाउँमा उभिनु पर्छ भन्नेमा सबै दलको एक मत रहेको बताएका हुन् ।

तर अर्थतन्त्रको विषयमा सरकारी अधिकारीकै बोलीका लगाम नलाग्दा झनै अवस्था विग्रिएको तर्क गरे ।
मुलुक अप्यारो अवस्थामा छ , यो दल त्यो दल नभनि एकै ठाउँमा बसौं भन्ने भाछ ।

मैले अर्थमन्त्रीलाई पनि छोटो भेटमा मेरो सहयोग तपाईलाई चाहिन्छ भने म तयार छु भनेको छु ।’ उनले भने ‘ मुलुक अप्ठ्यारोमा छ भनिरहँदा खेरी सरकार पक्षकै राज्य पक्षकै संयन्त्रकै जिम्मेवार व्यक्तिहरुले आर्थिक संकट छ ।

हामी श्रीलंका हुने खतरा छ भनिरहदाँ हामीले के भनौं तपाईहरु ठिकै हुनुहुन्छ राम्रै हुनुहुन्छ भन्दिएकै हो त । धेरै समस्या त छैन संकट उन्मुख सम्म छ भन्दिएको हो मैले ।’

कार्यक्रममा उनले, सरकारको तर्फबाट उपभोग्य बस्तुको आयात र स्वदेशमा उत्पादीत बस्तुको बजारीकरणको समस्याबारे ध्यान दिनुपर्ने बताए ।